ზაზა ფაჩულია გენო პეტრიაშვილის სამშობლოში

10 ივლისს გორში ზაზა ფაჩულიას სახელობის ღია საკალათბურთო მოედანი გაიხსნა.

გორის სახელმწიფო უნივერისტეტის მეორე კორპუსის ეზოში მოწყობილი ეს მოედანი კომპანია "გალფის" და გორის მუნიციპალიტეტის მერიის ერთობლივი ძალისხმევით გაკეთდა.

ეს ზაზა ფაჩულიას სახელობის მეორე ღია საკალათბურთო მოედანია საქართველოში.

მოედანი თავად ზაზა ფაჩულიამ გახსნა. გახსნას ესწრებოდნენ შიდა ქართლის და გორის მუნიციპალიტეტის ხელმძღვანელობა, გორის სპორტული საზოგადოების წარმომადგენლები, ტიტულოვანი სპორტსმენები, გულშემატკივრები.

"დიდი მადლობა მინდა გადავუხადო გორელებს, რომლებიც დღეს აქ შეიკრიბნენ. მინდა გითხრათ, რომ ამდენი გულშემატკივარი თბილისის საკალათბურთო მოედნის გახსნაზეც არ ყოფილა და სითბოც განსაკუთრებული ვიგრძენი დღეს გორელებისაგან. ასეთ საკალათბურთო მოედნებს დიდი მნიშვნელობა აქვს ჯანსაღი თაობის აღზრდის, სპორტის პოპულარიზაციის და პროპაგანდის საქმეში. ტანატების სწორედ აქ, ასეთ მოედანზე იბადებიან და არა მაგალითად აკადემიებში. მინდა მადლობა ვუთხრა ყველას, ვინც წვლილი შეიტანა ამ მოედნის მოწყობაში წარმატებებს ვუსურვებ ყველას ვინც სპორტითაა დაკავებული და კალათბურთს ითამაშებს აქ ამ შესანიშნავ არენაზე" - გვითხრა ზაზა ფაჩულიამ.

1504
მკითხველის კომენტარები / 0 /
მსგავსი ამბები
რუბრიკის სხვა სიახლეები
;