ზამთრის თასი 2018. ქართული გუნდები, იტალიელი ვეტერანები, კივუ და სტანკოვიჩი..

12 იანვარს თბილისის ოლიმპიურ სასახლეში (უნივერსიტეტის ქუჩა) "ზამთრის თასის" 2018 წლის გათამაშება დაიწყება. ტურნირი წლეულს მეორედ გაიმართება და სამ დღეს გაგრძელდება.

მისი მთავარი მიზანი შესვენების პერიოდის გამრავალფეროვნება, ფეხბურთის პოპულარიზაცია და გულშემატკივრისთვის კომფორტულ გარემოში ერთგვარი საახალწლო საჩუქრის შეთავაზებაა.

შეგახსენებთ, რომ 2017 წელს საკლუბო "ზამთრის თასის" გამარჯვებული "გაგრა" გახდა. 2018 წლის გათამაშება 16 გუნდისა და 4 ჯგუფისგან დაკომპლექტდა:

A ჯგუფი: გაგრა, ტორპედო, რუსთავი, თელავი;

B ჯგუფი: დინამო (თბ), კოლხეთი, ვიტ ჯორჯია, ნორჩი დინამო;

C ჯგუფი: სამტრედია, დილა, სიონი, შევარდენი;

D ჯგუფი: საბურთალო, ლოკომოტივი, მერანი, ცხინვალი.

ჯგუფებში პირველ-მეორე ადგილებზე გასული გუნდები მთავარი პრიზისთვის ბრძოლას პლეი ოფის სისტემით გააგრძელებენ. რაც შეეხება ტურნირის საპრიზო ფონდს: გამარჯვებულს 15 ათასი ლარი გადაეცემა, მეორეადგილოსანს - 10 ათასი, ხოლო მესამეადგილოსანს - 5 ათასი.

"ზამთრის თასს" შარშანდელზე გაცილებით მეტი მონაწილე ეყოლება. ეროვნული ლიგისა და ეროვნული ლიგა 2-ის 16 კლუბისა და ვეტერანი ვარსკვლავების გარდა, თასს 14-წლამდელთა გუნდებიც გაითამაშებენ - ქვეყნის 12 რეგიონული ნაკრები ითამაშებს, პლუს თბილისის ელიტლიგის სამი პრიზიორი ("დინამო", "საბურთალო", "ლოკომოტივი") და სფფ/აკადემიის გუნდი.

რაც შეეხება ვარსკვლავებს ტურნირს. მთავარი სიახლეა, რომ ამჯერად იტალიელი ვეტერანები გვეწვევიან. მათ გარდა, "ზამთრის თასზე" შარშანდელი მონაწილეებიც ითამაშებენ - საქართველოს, უკრაინის, თურქეთისა და ესპანეთის ვეტერან ფეხბურთელთა ნაკრებები.

თბილისს ესტუმრება უეფას გუნდიც, რომლის შემადგენლობაშიც ახლო წარსულის რამდენიმე ვარსკვლავიც იქნება - რუმინელი კრისტიან კივუ, სლოვენიელი მილენკო აჩიმოვიჩი და სერბი დეიან სტანკოვიჩი.

ტურნირის განრიგი

12 იანვარი

დილა-სიონი 10:00
სამტრედია-შევარდენი 10:45

დილა-შევარდენი 11:30
სამტრედია-სიონი 12:15

სიონი-შევარდენი 13:00
სამტრედია-დილა 13:45

ლოკომოტივი-მერანი 14:30
საბურთალო-ცხინვალი 15:15

ლოკომოტივი-ცხინვალი 16:00
საბურთალო-მერანი 16:45

მერანი-ცხინვალი 17:30
საბურთალო-ლოკომოტივი 18:15

C1-D2 20:00
D1-ჩ2 20:45

13 იანვარი

რუსთავი-გაგრა 10:00
ტორპედო-თელავი 10:45

რუსთავი-თელავი 11:30
ტორპედო-გაგრა 12:15

გაგრა-თელავი 13:00
ტორპედო-რუსთავი 13:45

დინამო (თბ)- ნ. დინამო 14:30
კოლხეთი-ვიტ ჯორჯია 15:15

დინამო (თბ)-ვიტ ჯორჯია 16:00
კოლხეთი-ნ. დინამო 16:45

ვიტ ჯორჯია-ნ. დინამო 17:30
დინამო (თბ)-კოლხეთი 18:15

A1-B2 20:00
B1-A2 20:45

14 იანვარი

1/2 ფინალი

D1/ჩ2 - B1/A2 10:00
C1/D2 - A1/B2 10:45

მატჩი III ადგილისთვის. 16:45
ფინალი. 19:00

ყოველდღიური სპორტული გაზეთი "ლელო"
1391
მკითხველის კომენტარები / 0 /
მსგავსი ამბები
რუბრიკის სხვა სიახლეები
;