რაგბი. საქართველო VS ბრაზილია: განახლებული უკანა ხაზით

საქართველო XV დღეს, ვაკის სტადიონზე ზაფხულის თასის ბოლო მატჩში ბრაზილიის ეროვნულ გუნდს დაუპირისპირდება. იქამდე კი, ფრანგული "რასინგი" არგენტინა XV-ს ეთამაშება.

საქართველო XV-ის მთავარმა მწვრთნელმა ბესიკ ხამაშურიძემ გუნდში რამდენიმე ცვლილება განახორციელა. ეს ძირითადად, უკანა ხაზს შეეხო. ამ შეხვედრას გამოტოვებს გუნდის კაპიტანი გიორგი შკინინი, რომელიც შუამარბ გიორგი ჭუაძესთან ერთად საქართველოს ქვიშის რაგბის ნაკრებში არის მივლინებული.

შკინინის ადგილს გარემარბის პოზიციაზე ლელოელი აკაკი ტაბუცაძე დაიკავებს. განაცხადში არ არის მეორე გარემარბი სანდრო სვანიძე, რომელიც დაშავდა. მის ნაცვლად ასევე ლელოელი დემურ თაფლაძე ითამაშებს.

საგულისხმოა, რომ კიდევ ორი მორაგბე ფულბეკი, ბექა მამუკაშვილი და ცხრა ნომერი გიორგი მარგალიტაძე, რომლებიც ძირითად შემადგენლობაში დაწინაურდნენ, ლელოელები არიან. პირველმა ირაკლი სვანიძე შეცვალა, რომელმაც სათადარიგოთა შორის დაიკავა ადგილი, მეორე კი, ტრავმირებული მიხეილ ალანიას ნაცვლად ითამაშებს.

სათადარიგოთა შორის გამოჩნდა "აიას" მგეზავი დავით გობეჯიშვილი, რომელიც მის თანაკლუბელ თედო აბჟანდაძეზე ორი წლით უმცროსია და შუამარბის პოზიციაზეც შეუძლია თამაში.

შერკინებას ცვლილება, ფაქტობრივად, არ შეხებია.

ბესიკ ხამაშურიძე, საქართველო XV-ის მთავარი მწვრთნელი:
"თავიდანვე ითქვა, რომ თამაშის საშუალება ყველას ექნებოდა. სწორედ ამიტომ, გიორგი შკინინისა და გიორგი ჭუაძის ქვიშის რაგბის ნაკრებში გაშვებაზე უარი არ გვითქვამს.

სარეზერვო ჯგუფიდან დავიმატეთ აკაკი ტაბუცაძე, რომელმაც ახალგაზრდულ და შვიდკაცა რაგბის ნაკრებებში დიდი გამოცდილება დააგროვა და ახლა საკუთარი შესაძლებლობები აქაც უნდა დაამტკიცოს. შერკინებაში თითო ტაიმი თითქმის ყველა მორაგბემ ჩაატარა და ცვლილებების სიმცირე ამითაა განპირობებული.

"რასინგთან"დიდი სხვაობით მარცხის მიუხედავად, ბრაზილიის ნაკრებმა კარგი შთაბეჭდილება დატოვა. ინდივიდუალურად ყველა მოთამაშე კარგ ფორმაშია და მაქსიმუმი უნდა გავიღოთ მათ დასამარცხებლად. როცა ბრაზილიას ბურთი აქვს, სწრაფი და აგრესიული მოთამაშეების ხარჯზე უპირატესობის მოპოვებას ახერხებს.

ვფიქრობ, ჩვენს წინააღმდეგ ისინი მაქსიმუმის გაკეთებას ეცდებიან და იოლ თამაშს არ ველოდები. ჩვენი პრობლემა კვლავ იქნება შეუთამაშებლობა, თუმცა მოტივაცია არ გვაკლია და წარმატების იმედი გვაქვს".

საქართველო XV-ბრაზილია

საქართველო XV: 15. ბექა მამუკაშვილი, 14. დემურ თაფლაძე, 13. რევაზ ჯინჯიხაძე, 12. გურამ ქანდაურაშვილი, 11. აკაკი ტაბუცაძე, 10. თედო აბჟანდაძე, 9. გიორგი მარგალიტაძე; 1. მიხეილ ორაგველიძე, 2. გიორგი ჭყოიძე, 3. ტარიელ დონაძე, 4. თორნიკე აქუბარდია, 5. გელა შალამბერიძე, 6. გუგა შენგელია, 7. ბექა საღინაძე, 8. ნიკოლოზ სუხაშვილი.

16. ჟორჟ სალდაძე, 17. გოგა ხუროშვილი, 18. მიხეილ ფსუტური, 19. სანდრო მამამთავრიშვილი, 20. ხვიჩა ბუჯიაშვილი, 21. არსენ ტრაპაიძე, 22. გიორგი კაკაურიძე, 23. დავით კლდიაშვილი, 24. თემურ ირემაძე, 25. ირაკლი სვანიძე, 26. დავით გობეჯიშვილი

ბრაზილია: 15. დანიეუ სანსერი, 14. ლუკას ტრანკესი, 13. ფელიპი სანსერი, 12. მოისეეს დუკი, 11. რობერტ ტენორიუ, 10. ჯოშ რივზი, 9. ლუკას დუკი; 1. ლუკას აბუდი, 2. ვილტონ რებოლო, 3. ჟარდეუ ვეტორატო, 4. ლუიზ ვიერა, 5. გაბრიეუ პაგანინი, 6. კლებერ დიას, 7. არტურ ბერგუ, 8. ანდრე აჰუდა.
16. დევიდ მიულერი, 17. კაიკი სილვა, 18. მატეუს როხა, 19. ლუკას პიერუ, 20. მაიკლ ოლივეირა მორაისი, 21. დანიელ სილვა, 22. სტეფანო ჯანტორნო, 23. დევეტ ფანნიკერკი, 24. ვალანტენ გარსია, 25. მათეუს კლაუჯუ.

რასინგი-არგენტინა XV
ფრანგული "რასინგი", როგორც უკვე ვთქვით, არგენტინის გუნდს დაუპირისპირდება. პარიზელთა თავკაცმა შემადგენლობა მთლიანად გადაახალისა. განაცხადში არ არის შერკინების ქართველი ბურჯი ვასილ კაკოვინი, რომელმაც პირველ მატჩში ძირითად შემადგენლობაში ითამაშა. სამაგიეროდ თადარიგშია ახალგაზრდა ქართველი პირველხაზელი გურამ გოგიჩაშვილი და იმედი გვაქვს, მისი დებიუტი "რასინგის" შემადგენლობაში წარმატებული იქნება.

თ მ ფ წ ბ ქ(ს)
1. რასინგი 1 1 0 0 +38 5(1)
2. საქართველო XV 1 1 0 0 +1 4(0)
3. არგენტინა XV 1 0 0 1 -1 1(1)
4. ბრაზილია 1 0 0 1 -38 0(0)

3 აგვისტო
რასინგი-არგენტინა XV 19:00
საქართველო XV-ბრაზილია 21:30

ყოველდღიური სპორტული გაზეთი "ლელო"
1253
მკითხველის კომენტარები / 0 /
მსგავსი ამბები
რუბრიკის სხვა სიახლეები
;