ზაფხულის თასი. საქართველო XV - ის პირველი ღია ვარჯიში

გუშინ "შევარდენის" სანაკრებო ბაზაზე საქართველო XV-მა პირველი ღია ვარჯიში გამართა ახალი ტურნირის, "ზაფხულის" თასის წინ, რომლის გათამაშებაც 28 ივლისს დაიწყება.

გუნდის თავკაცმა ბესიკ ხამაშურიძემ 34 მორაგბეს უხმო ნაკრებში. გუნდი ძირითადად ახალგაზრდა მორაგბეებითაა დაკოპლექტებული, თუმცა არის გამოცდილი გიორგი შკინინიც, რომელსაც "ბორჯღალოსნების" რიგებში არაერთხელ უთამაშია.

საქართველო XV ოთხთა ტურნირში ორ გუნდს დაუპირისპირდება, არგენტინის A ნაკრებსა და ბრაზილიის ეროვნულ გუნდს. ტურნირის კიდევ ერთი მონაწილე ფრანგული საკლუბო გრანდი "რასინგია". საქართველოს XV ნაკრები 28 ივლისს არგენტინა A-ს დაუპირისპირდება, ხოლო 3 აგვისტოს ბრაზილიას ეთამაშება.
მედიას ნაკრების თავკაცი და მორაგბეები წარუდგნენ.

ბესიკ ხამაშურიძე: "ტურნირი ჩვენს მორაგბეებს განვითარებაში დაეხმარება. 20-წლამდე მორაგბეთა ნაკრებიდან უმეტესობა კლუბის იმედად რჩება. საჭიროა, რომ მსგავსი ტურნირები ხშირად გაიმართოს. მოთამაშეები 10-დან გვყავს - ვეცდებით, რომ მაქსიმალურად კარგი თამაში ვაჩვენოთ".

გიორგი შკინინი: "არგენტინა განვითარებული და ძლიერი გუნდია. ყველა კომპონენტში ძლიერები არიან. რაქიდან ბურთი სწრაფად გამოაქვთ, მთელ მოედანს იყენებენ. ბრაზილია ძალისმიერ რაგბიზე აკეთებს აქცენტს. ჩვენ ვეცდებით, რომ დავალება შევასრულოთ - სწრაფი რაგბი ვითამაშოთ. გამოვიყენოთ მთელი მოედანი და სხვა ხარისხზე გასვლა ვცადოთ".

თედო აბჟანდაძე: "უპირველეს ყოვლისა, სასიხარულოა A ნაკრებში თამაში. ეროვნულ ნაკრებამდე ერთი ნაბიჯი რჩება, რაც კიდევ უფრო მეტ მოტივაციას გმატებს ოთხთა ტურნირზე სათამაშოდ".

ყოველდღიური სპორტული გაზეთი "ლელო"
691
მკითხველის კომენტარები / 0 /
მსგავსი ამბები
რუბრიკის სხვა სიახლეები
;