ზაქარია ბეგლარიშვილი ისტორიაში შევიდა [VIDEO]

ესტონეთის პრემიუმლიგის 35-ე ტურში "ტულევიკთან" ჰეთ-თრიკის შესრულებით ზაქარია ბეგლარიშვილმა "ფლორას" დამაჯერებელი საგარეო გამარჯვება მოუტანა - 3:1. ქართველმა ნახევარმცველმა ჩემპიონატში 30 გოლს მოუყარა თავი და საუკეთესო ბომბარდირის ტიტულისთვის "ნომე კალიუს" ბრაზილიელ შემტევ ლილიუსთან იბრძვის, რომელსაც ასევე 30 გოლი აქვს გატანილი.

საინტერესო ფაქტია: ზაქარია ერთადერთი ნახევარმცველი და ბომბარდირი ლეგიონერია, რომელმაც ესტონეთის ელიტარული დივიზიონის ერთ სეზონში 30 ან მეტი გოლი გაიტანა. ახლა ქართველი ლეგიონერი მეოთხე-მეხუთე ადგილებს იყოფს რუს დმიტრი ლიპარტოვთან, ხოლო თუ ჩემპიონატის ბოლო ტურშიც გაიტანს, მეოთხე ადგილზე გადაინაცვლებს.

ესტონეთის ჩემპიონატების ისტორიაში საუკეთესო შედეგი ლატვიელმა თავდამსხმელმა ალექსანდრ ჩეკულაევმა აჩვენა, რომელმაც 2011 წლის სეზონში მოწინააღმდეგის კარის აღება 46-ჯერ მოახერხა.

ბეგლარიშვილი ესტონეთში 2010 წლიდან თამაშობს. მან ერთ ჩემპიონატში 30 გოლი პირველად გაიტანა. მიმდინარე პირველობის დაწყებამდე მისი საუკეთესო შედეგი იყო 17 გოლი 2012 წლის სეზონში

შეგახსენებთ, რომ 2018 წლის ივნისში ზაქარია ბეგლარიშვილმა "ფლორას" ფორმით ოფიციალურ ტურნირებში მე-100 გოლი გაიტანა და ოლეგ პროტასოვის სახელობის ბომბარდირთა სიმბოლურ კლუბში შევიდა.

643
მკითხველის კომენტარები / 0 /
მსგავსი ამბები
რუბრიკის სხვა სიახლეები