ზვიად პატარიძე ევროპას ემშვიდობება

მიეცემა თუ არა მძიმეწონოსან ზვიად პატარიძეს შანსი, მოხვდეს ევროპის ჩემპიონატზე ბერძნულ-რომაულ ჭიდაობაში, რომელიც 27-28 აპრილს რუსეთში, დაღესტნის ავტონომიის ქალაქ კასპიისკში ჩატარდება?

ეს კითხვა აქტუალური მას შემდეგ გახდა, რაც ასაკობრივ ასპარეზზე უკლებლივ ყველაფრის მომგებმა ქუთაისელმა ტალანტმა საქართველოს ჩემპიონატი გამოტოვა, რის მიზეზადაც ტრავმა დასახელდა.

საქმეში გასარკვევად ამ კითხვით საქართველოს ბერძნულ-რომაულად მოჭიდავეთა ნაკრების მთავარ მწვრთნელ ბექა როყვას მივმართეთ, რომელმაც შემდეგი გვიპასუხა:

- პატარიძეს ევროპის ჩემპიონატზე მოხვედრის შანსი აღარ მიეცემა, რადგან გამოტოვა საქართველოს ჩემპიონატი. ვისაც ევროპაზე მოხვედრა უნდა, ჩვენი მოთხოვნით, ყველას უნდა ეჭიდავა ეს ტურნირი. როგორც მისი პირადი მწვრთნელისგან ვიცი, ტრავმა ჰქონდა და ამიტომ გამოტოვა ჩემპიონატი.

მას საქართველოს ჩემპიონატი 23-წლამდელთა შორის უწევს და ჯერ მანდ აქვს დასამტკიცებელი, ვინ იჭიდავებს ევროპის და მსოფლიოს ჩემპიონატებს (ასაკობრივში), რადგან წონაში კონკურენტად ბექა კანდელაკი ჰყავს.

ყოველდღიური სპორტული გაზეთი "ლელო"
1410
მკითხველის კომენტარები / 0 /
მსგავსი ამბები
რუბრიკის სხვა სიახლეები
;