ზვიად პატარიძე მსოფლიოს ჩემპიონია

ისპაჰანში დასრულდა მსოფლიოს საკლუბო ჩემპიონატი ბერძნულ-რომაულ ჭიდაობაში, რომელშიც ქართული კლუბი "საქართველოც" გამოდიოდა და ერთი მოგება დააკლდა მედლამდე: ბრინჯაოსთვის შეხვედრა 4:6 დათმო თურქულ "ბუიუკსეირთან".

სამაგიეროდ, მსოფლიოს ჩემპიონი გახდა მძიმეწონოსანი ზვიად პატარიძე, რომელმაც ზედიზედ მეორედ მოიპოვა ეს ტიტული: შარშან ირანულ "სინა სანატში" გამოდიოდა, წლეულს კი მეორე ირანული კლუბის - "ბიმეჰ რაზის" შემადგენლობაში მიაღწია ამ წარმატებას.

შეგახსენებთ, რომ ერთი კვირის წინ ანალოგიური გამარჯვება თავისუფალ ჭიდაობაში ვლადიმერ ხინჩეგაშვილმა (61) და გენო პეტრიაშვილმა მოიპოვეს. ისინიც ირანული კლუბის, ოღონდ ქალაქ კაშანის "იზი პაიპის" შემადგენლობაში გამოდიოდნენ.

პატარიძემ ირანული "ბიმეჰ რაზის" შემადგენლობაში მხოლოდ ორი შეხვედრა ჩაატარა და ორივეში იმარჯვა. კლუბის ხელმძღვანელობამ ის თავდაპირველად ჯგუფის პირველ შეხვედრაში დაიხმარა რუსული "მოსკოვის" წინააღმდეგ. პატარიძემ რუსეთში გადასულ თანამემამულე ზურაბ გედეხაურს აჯობა: 3:1. ჩვენებურმა მეორე პაექრობა ნახევარფინალში თურქებთან ჩაატარა და ფატიჰ ბასკოის სძლია.

1232
მკითხველის კომენტარები / 0 /
მსგავსი ამბები
რუბრიკის სხვა სიახლეები