ზიდანმა, ჩემი ჯობდაო...

მეოთხედფინალური მატჩების შემდეგ გუნდების მწვრთნელებმა კომენტარები გააკეთეს:

ზინედინ ზიდანი (რეალი): "ჩვენ რთული მისია შევასრულეთ. მართლაც ძალიან ძნელია, როცა "იუვენტუსს" ეთამაშები და მის კარში გასვლაზე 3 გოლი გაგაქვს.

ჩვენს კარშიც თავისუფლად შეიძლებოდა, გოლი გასულიყო. "იუვე" სულ ჩემს გულშია... რონალდო დიდებული იყო. მას აქვს მისწრაფება, რომ რაღაც არაჩვეულებრივი გააკეთოს მინდორზე.

ჩემი გოლი უკეთესი იყო, თუ რონალდოსი? ვფიქრობ ჩემი (2002 წელს "ლევერკუზენთან" ჩემპიონთა ლიგის ფინალში)"...

მასიმილიანო ალეგრი (იუვენტუსი): "როცა ეთამაშები "რეალს", ეს არ უნდა იყოს რონალდოს დღე და თან ცოტა უნდა გაგიმართლოს კიდეც... თამაში ცუდად დავიწყეთ, მაგრამ თანდათან გამოვსწორდით. მიმაჩნია, რომ ერთი საათის განმავლობაში ჩვენ ცუდად არ გვითამაშია...

მესამე გოლი არ უნდა გაგვეშვა. სხვა შემთხვევაში, გვექნებოდა იმის შანსი, რომ მადრიდში გამოგვესწორებინა მდგომარეობა. თან იქ სერხიო რამოსი არ ითამაშებს. ახლა ჩემპიონატზე უნდა გადავერთოთ, მერე კი წავიდეთ მადრიდში და იქ ჩვენი ფეხბურთი ვაჩვენოთ".

იუპ ჰაინკესი (ბაიერნი): "მოედნის ცენტრში ძალიან ცუდად ვითამაშეთ. არ იყო არანაირი მონახაზი. ამან საშუალება მისცა მოწინააღმდეგეს, ჩვენს კართან შეექმნა საგოლე მომენტები.

მეორე ნახევარში შევცვალეთ თამაშის სურათი და უკეთესები ვიყავით. და მაინც, გუნდს, რომელსაც სურს ჩემპიონთა ლიგის მოგება, უკეთესად თამაში მართებს".

ვინჩენცო მონტელა (სევილია): "ჩვენ ვერ მივიღეთ ის, რასაც ვიმსახურებდით. თავიდან, "სევილიას" თამაშში იყო დიდი ენერგია და ეს საშუალებას გვაძლევდა, მწვავე კონტრშეტევები განგვეხორციელებინა. მეორე ნახევარში ენერგია გამოგვეცალა. ჩემი აზრით, კანონზომიერი შედეგი ფრე იქნებოდა".

ყოველდღიური სპორტული გაზეთი "ლელო"
1617
მკითხველის კომენტარები / 0 /
მსგავსი ამბები
რუბრიკის სხვა სიახლეები
;