ზინედინ ზიდანი: ტოტენჰემს უემბლიზე უნდა მოვუგოთ

"ტოტენჰემის" ფორვარდმა ჰარი კეინმა განაცხადა, რომ მისი გუნდი კმაყოფილი უნდა იყოს იმ შედეგით, რომელიც "სანტიაგო ბერნაბეუზე" დაფიქსირდა. შეგახსენებთ, რომ მადრიდში "რეალი" და "ტოტენჰემი" დაზავდნენ - 1:1.

"ჩვენ ძალიან ბედნიერები ვართ. რა თქმა უნდა, "რეალს" ჰქონდა კარგი მომენტები, მაგრამ ჩვენ შესანიშნავი მატჩი ჩავატარეთ. გუშინდელმა შედეგმა აჩვენა ჩვენი პროგრესი და ისიც, რომ ჯგუფიდან გასვლის კარგი შანსი გვაქვს. ჩვენ კმაყოფილები ვართ, რომ დავამტკიცეთ - თამაში ასეთ დონეზეც შეგვიძლია", - თქვა კეინმა.

რა თქმა უნდა საპირისპირო განწყობაა "რეალის" ბანაკში. "ტოტენჰემთან" მატჩის შემდეგ კომენტარი გააკეთა მადრიდის "რეალის" მთავარმა მწვრთნელმა ზინედინ ზიდანმა:

"როგორ შეიძლება, ფრემ გაგვახაროს?! ჩვენ ვითამაშეთ "ბერნაბეუზე", სადაც "რეალი" ყოველთვის უნდა იგებდეს. ორივე გუნდი ბევრს უტევდა, მეკარეები ძალიან კარგად თამაშობდნენ. ჩვენ ბევრი მომენტი გვქონდა, ძელსაც გავარტყით ბურთი... საბოლოო ჯამში, შედეგს ვუწოდებდი "კანონზომიერს". სეზონის სტარტი ვერ გამოგვივიდა კარგი , მაგრამ ვაგრძელებთ მუშაობას და ვპროგრესირებთ. ახლა ჩვენი მიზანია, "ტოტენჰემი" "უემბლიზე" დავამარცხოთ", - თქვა ზიდანმა.

ყოველდღიური სპორტული გაზეთი "ლელო"

 

1006
მკითხველის კომენტარები / 0 /
მსგავსი ამბები
რუბრიკის სხვა სიახლეები