ზურაბ დათუნაშვილმა საჩემპიონო ტიტული შენარჩუნა [VIDEO]

ოლიმპიურ პარკში მდებარე ფრენბურთის დარბაზში ბერძნულ-რომაულ ჭიდაობაში გამოვლინდნენ საქართველოს წლევანდელი ჩემპიონები პირველ ხუთ წონაში.

ფინალურ ბლოკში განსაკუთრებით იყოჩაღეს ოზურგეთისა და თბილისის გუნდებმა, რომლებმაც ხუთიდან ორ-ორ წონაში დაისაკუთრეს ოქროს მედლები, ერთი კი ხობმა ირგუნა. სამაგიეროდ, არცთუ წარმატებით გამოვიდა აჭარის ნაკრები, რომელმაც სამი ფინალი წააგო.

ჩემპიონატში ძირითადად ახალმა თაობამ იმძლავრა და ხუთიდან უმეტეს წონებში ახალ-ახალი კადრები გახდნენ გამარჯვებულები. ძველი ლიდერებიდან მხოლოდ ევროპის ორგზის ჩემპიონმა, თბილკისელმა ზურაბ დათუნაშვილმა (82) მოახერხა ტიტულის შენარჩუნება.

55 კგ.
1. ნუგზარ წურწუმია (ხობი); 2. ზურაბ მაჭარაშვილი (ოზურგეთი); 3. კახა ირემაძე, ბაჩანა ფუტკარაძე (ორიოვე - აჭარა).

63 კგ.
1. ლევან ქავჟარაძე (ოზურგეთი); ლერი აბულაძე; 3. ფირუზ წულიკიძე (ორივე - აჭარა), ხვიჩა ჭითავა (სენაკი).

72 კგ.
1. იური ლომაძე (ოზურგეთი); 2. რამაზ ზოიძე (აჭარა); გიორგი ხუჭუა (ოზურგეთი), გოგა აფრიამაშვილი (ადიგენი, ორც).

82 კგ.
1. ზურაბ დათუნაშვილი (თბილისი); 2. ლაშა გობაძე (აჭარა); 3. რუდოლფ ოგანეზოვი (თბილისი), აივენგო რიკაძე (გარდაბანი).

97 კგ.
1. კუკური კირცხალია; 2. რევაზ ნადარეიშვილი (ორივე - თბილისი); 3. ვალერი მურვანიძე (ოზურგეთი), ირაკლი ქაჯაია (წყალტუბო).

ასევე გაიმართა წინასწარი პაექრობები დარჩენილ ხუთ წონაში და გაირკვნენ ფინალური წყვილები. ისინი დღეს იჭიდავებენ, როგორც სანუგეშო წრის მონაწილენი. სწორედ დამამშვიდებელი ეტაპის შეხვედრათა დასრულების შემდეგ გაირკვევა, ვინ იჭიდავებს ბრინჯაოს მედლებისთვის.

60 კგ. დავით ჩხარტიშვილი (ოზურგეთი) - რამაზ სურმანიძე (აჭარა)

67 კგ. შმაგი ბოლქვაძე (აჭარა) - თორნიკე ჯანგავაძე (ქუთაისი)

77 კგ. თორნიკე ძამაშვილი (გარდაბანი) - მინდია წულუკიძე (აჭარა)

87 კგ. რობერტ კობლიაშვილი (თბილისი) - ვარლამ კვარაცხელია (თბილისი)

130 კგ. ბექა კანდელაკი (თბილისი) - იაკობ ქაჯაია (წყალტუბო)

655
მკითხველის კომენტარები / 0 /
მსგავსი ამბები
რუბრიკის სხვა სიახლეები