ზურაბ ზვიადაური: ვიცი, რომ ჭრიკიშვილისა და ლიპარტელიანის მისამართით ისროლეს

როგორც ირკვევა, 31 მაისს, შეიარაღებული დაპირისპირება მოხდა ძიუდოს ფედერაციის წარმომადგენლებსა და გაფიცულ ძიუდოისტებს შორის. დაპირისპირების ფაქტზე ძიუდოს ფედერაციის ვიცე-პრეზიდენტი ლომერ ჟორჟოლიანია დაკავებული. არსებული ინფორმაციით, მან ერთ-ერთი ძიუდოისტი იოსებ წელაური დაჭრა.

ზურაბ ზვიადაური: ვიცი, რომ ჭრიკიშვილისა და ლიპარტელიანის მისამართით ისროლეს

დაპირისპირება აღმაშენებლის გამზირზე, "მაკდონალდსთან" მოხდა და მასში ვარლამ ლიპარტელიანი და ავთანდილ ჭრიკიშვილიც მონაწილეობდნენ.

დეტალების გასარკვევად, ძიუდოისტს, ოლიმპიურ ჩემპიონს ზურაბ ზვიადაურს დავუკავშირდით:

- სწორედ ასეთ დამნაშავეებს მფარველობენ ძიუდოს ფედერაციაში, შეგახსენებთ, რომ რამდენიმე დღის წინ ახმეტაში, ექვსმა კაცმა სცემა ადამიანი და ამაზე პასუხი ჯერ არავის უგია, გუშინ კი უკვე მეორე, უფრო ცუდი შემთხვევა მოხდა. მე თავს დაუცველად ვგრძნობ.

დაჭრილის მდგომარეობა არ ვიცი, ვარკვევ სად არის, ბიჭებს გამორთული აქვთ ტელეფონი და ვერ ვუკავშირდები.

როგორც ვიცი, ეს ამბავი პატრულის თანდასწრებით მოხდა. ვიცი, რომ ჭრიკიშვილისა და ლიპარტელიანის მისამართით ისროლეს, მაგრამ დაიჭრა სხვა. რა მნიშვნელობა აქვს ვის ესროლეს, მთავარია, რომ მოხდა ცუდი ამბავი, საქმე გადაიზარდა სერიოზულ დაპირისპირებაში.

თეა ბეჟიტაშვილი (სპეციალურად kvirispalitra.ge-სთვის)

ინფორმაცია სრულად იხილეთ: www.kvirispalitra.ge

2889
მკითხველის კომენტარები / 0 /
მსგავსი ამბები
რუბრიკის სხვა სიახლეები
;