ზურაბ პოლოლიკაშვილმა მესი მსოფლიო ტურიზმის ელჩად წარადგინა

ლიონელ მესი მსოფლიო ტურიზმის ორგანიზაციის საპატიო ელჩი გახდა.

"ბარსელონას" არგენტინელი ვარსკვლავი ამ რანგში ზემოთ ხსენებული ორგანიზაციის გენერალური მდივნის, ზურაბ პოლოლიკაშვილის ინიციატივით წარადგინეს და შესაბამისი მოწმობაც გადასცეს.

მესი დიდი ხანია, საქველმოქმედო პროექტებში მონაწილეობს. 2010 წლიდან ის გაეროს ბავშვთა ფონდის კეთილი ნების ელჩია. მსოფლიო ტურიზმის ორგანიზაციაში ის პოპულარიზაციას რამდენიმე მიმართულებას გაუწევს.

შეგახსენებთ, რომ პოლოლიკაშვილი თბილისის "დინამოს" აღმასრულებელი დირექტორი გახლდათ და მისი ინიციატივა იყო გუნდში ალექს გარსიას (შემდგომში "ბარსელონას" მთავარი მწვრთნელის ასისტენტი) და ესპანელი მოთამაშეების ჩამოყვანა, მათ შორის - ჩისკო მუნიოსის.

ამას გარდა, მსოფლიო ტურიზმის ორგანიზაციის ქართველი გენერალური მდივნის ინიციატივით გვესტუმრნენ "სალერის თასზე" ესპანური კლუბების, მადრიდის "ატლეტიკოსა" და "მალაგას" ბავშვთა გუნდები.

ამას გარდა, პოლოლიკაშვილის იდეა იყო, ჟოან ლაპორტა ესპანეთში საქართველოს საპატიო ელჩი ყოფილიყო.

მისგან ვიცით, რომ 2010 წელს "ბარსელონას" ყოფილი პრეზიდენტისგან თანხმობაც მიიღო, მაგრამ, რატომღაც, ქართულმა მხარემ საკითხი დროულად არ გადაწყვიტა და იდეა იდეადვე დარჩა.

ყოველდღიური სპორტული გაზეთი "ლელო"
598
მკითხველის კომენტარები / 0 /
მსგავსი ამბები
რუბრიკის სხვა სიახლეები
;