ზუროსის 24 კაციან განაცხადში ცქიტიშვილიცაა და შენგელია-შერმადინიც

გამოცხადდა საქართველოს კალათბურთელთა ნაკრების გაფართოებული შემადგენლობა. მწვრთელ ილიას ზუროსის სიაში 24 კალათბურთელია.

მათგან შვიდი ლეგიონერია. ისინი გუნდს შეკრების პირელივე დღიდან ვერ შეუერთდებიან, რადგან კლუბებთან აქვთ ვალდებულებები. შაბათ-კვირის მატჩების შემდეგ კი ნაკრებში გამოცხადდებიან.

ყველა? ეს ჯერაც საკითხავია. მართალია, ნაკრების განაცხადში თორნიკე შენგელია და გიორგი შერმადინიც არიან, მაგრამ მათი გუნდები ევროლიგის წარმომადგენლები გახლავან და ნაკლებია ალბათობა, რომ ნაკრებში გამოუშვნ.

სასიამოვნო სიახლე გამოცდილი ნიკა ცქიტიშვილის გუნდში დაბრუნებაა. მას თბილისში შვიდი წელია ოფიციალური სანაკრებო მატჩი არ გაუმართავს. ბოლოს 2010 წელს ბულგარეთის წინააღმდეგ ითამაშა.

შეგახსენებთ: მსოფლიოს თასის საკვალიფიკაციო ეტაპზე 24 ნოემბერს გერმანიაში ვითამაშებთ, 27-ში - სერბეთში.

საქართველო 2017
მოთამაშე პოზიცია სმ გუნდი
თორნიკე შენგელია ფორვარდი 206 ბასკონია (ესპანეთი)
გიორგი შერმადინი ცენტრი 216 უნიკახა (ესპანეთი)
მანუჩარ მარკოიშვილი უკანახაზელი 197 რეჯო ემილია (იტალია)
გიორგი ცინცაძე უკანახაზელი 192 პოლიტექნიკა (რუმინეთი)
მაილ დიქსონი უკანახაზელი 186 სტრასბური (საფრნგეთი)
დუდა სანაძე უკანახაზელი 196 პისტოია (იტალია)
მიხეილ ბერიშვილი ფორვარდი 203 დინამო
გოგა ბითაძე ცენტრი 211 მეგა ბიმაქსი (სერბეთი)
ილია ლონდარიძე ცენტრი 206 დინამო
ანატოლი ბოისა უკანახაზელი 194 კაკტუსი
ბექა ბექაური ფორვარდი 207 ქუთაისი
ნოდარ  გოგოძე უკანახაზელი 192 დინამო
ნიკა ცქიტიშვილი ფორვარდი 213 უკლუბოდ
ლევან ფაცაცია უკანახაზელი 198 დინამო
აკაკი დვალიშვილი ცენტრი 207 ქუთაისი
ბექა წივწივაძე უკანახაზელი 188 ქუთაისი
რევაზ როგავა უკანახაზელი 193 ოლიმპი
ნიკა დარბაიძე ფორვარდი 203 ოლიმპი
გეგი ბაქრაძე ფორვარდი 203 ოლიმპი
გიგი გოგობერიშვილი უკანახაზელი 195 რუსთავი
ოთარ პერტაია უკანახაზელი 180 ბრემერჰავენი (გერმანია)
ნიკა მეცხვარიშვილი ფორვარდი 200 ზაზა
რატი ანდრონიკაშვილი უკანახაზელი 190 ბასკონია
მერაბ ბოქოლიშვილი უკანახაზელი 194 ოლიმპი

1460
მკითხველის კომენტარები / 0 /
მსგავსი ამბები
რუბრიკის სხვა სიახლეები