თავისუფალი. გიორგი იანტბელიძემ შემადგენლობა დაასახელა: ევროპის ოლიმპიადაზე გენო პეტრიაშვილის გარეშე

თავისუფალი სტილით მოჭიდავეთა ნაკრების მთავარმა მწვრთნელმა გიორგი იანტბელიძემ დაასახელა მინსკში, მეორე ევროპულ თამაშებზე წასაყვანი შემადგენლობა. როგორც ვწერდით, მინსკში არ იჭიდავებს მძიმეწონოსანი გენო პეტრიაშვილი, ოღონდ მის ადგილს გივი მაჭარაშვილი დაიკავებს, ხოლო ელიზბარ ოდიკაძე თავის წონაში, 97 კილოგრამში იასპარეზებს.

ჩვენს ნაკრებში კიდევ ერთი პრობლემური წონა 57 კილოგრამი იყო, სადაც მთავარ საზრუნავს ის წარმოადგენდა, შეძლებდა თუ ვერა წონის დაკლებას ლაშა ლომთაძე. მან ეს მოახერხა და მინსკში ისიც იასპარეზებს.

გუნდში ასევე იქნება ნაკრების ყველაზე ტიტულოვანი წევრი, ოლიმპიური, მსოფლიოს და ევროპის სამგზის ჩემპიონი ვლადიმერ ხინჩეგაშვილი (65). ასევე - ევროპისა და მსოფლიოს მესამე პრიზიორი სანდრო ამინაშვილი (86).

ეს ნაკრები ამჟამად ბორჯომშია შეკრებაზე, რომელსაც 20 ივნისს დაამთავრებს, ორ დღეში კი მინსკში გაფრინდება.

შეგახსენებთ, რომ მეორე ევროპული თამაშების პროგრამაში მხოლოდ ექვსი ოლიმპიური წონითი კატეგორიაა ათიდან. სამწვრთნელო შტაბის გადაწყვეტილებით, მინსკში შემდეგი ფალავნები გამოვლენ:

57 კგ. ლაშა ლომთაძე (ქუთაისი)
65 კგ. ვლადიმერ ხინჩეგაშვილი (გორი)
74 კგ. ავთანდილ კენჭაძე (ამბროლაური)
86 კგ. სანდრო ამინაშვილი (თბილისი)
97 კგ. ელიზბარ ოდიკაძე (თბილისი)
125 კგ. გივი მაჭარაშვილი (მცხეთა)

759
მკითხველის კომენტარები / 0 /
მსგავსი ამბები
რუბრიკის სხვა სიახლეები
;