თავისუფალი ჭიდაობა. ბაგრატ გაგნიძემ მსოფლიოს ჩემპიონატზე ვერცხლის მედალი მოიპოვა

ტალინში მიმდინარე ახალგაზრდა მოჭიდავეთა მსოფლიოს ჩემპიონატზე დღეს ჩვენმა თავისუფალი სტილით მოასპარეზეთა ნაკრებმა ერთი მედალი მოიპოვა - ქუთაისელი ბაგრატ გაგნიძე (79) ვერცხლს დაეუფლა. მან ფინალური პაექრობა 1:7 დათმო რუსთა ევროპის ჩემპიონ ამკად ტაშუკაჯიევთან.

სამწუხაროდ, დამარცხდა დამამშვიდებელ წრეში მოასპარეზე ჭაბუკებში ევროპის ჩემპიონი, მსოფლიოსა და მესამე ახალგაზრდული ოლიმპიური თამაშების ფინალისტი გიორგი გეგელაშვილი (57) - პირველივე შეხვედრა 11:12 დათმო ინდოელ ვიჯაი ბაჯირაო პატილთან.

დღესვე ჩემპიონატში მორიგი ხუთეულიც ჩაება, თუმცა ჩვენებმა ოქროს მოპოვების შანსი დაკარგეს - ხუთივემ წააგო და ძირითად ბადეს დაემშვიდობა, დამამშვიდებელში კი ბრინჯაოსთვის ბრძოლას სამნი აგრძელებენ:

გოდერძი ძებისაშვილი (61), მირიან მაისურაძე (86) და ვასილ ხვისტანი (125). ამათგან მაისურაძე ნახევარფინალში დამარცხდა და ხვალ პირდაპირ ბრინჯაოსთვის იჭიდავებს დამამშვიდებლის ფინალში, ძებისაშვილი და ხვისტანი კი სანუგეშო წრეში არიან და ჯერ იქ უნდა მოიგონ წინასწარი ორთაბრძლები.

გოგა მამიაური (74) და გიორგი ჩანქსელიანი (92) უკვე დაემშვიდობნენ შეჯიბრებას.

368
მკითხველის კომენტარები / 0 /
მსგავსი ამბები
რუბრიკის სხვა სიახლეები
;