თავისუფალი ჭიდაობა. ბრინჯაოს მედლისთვის სამი იბრძოლებს

დაღესტანში მიმდინარე ევროპის ჩემპიონატზე ხვალ, 5 მაისს ფინალურ ბლოკში 3 ქართველი იჭიდავებს და ყველა ბრინჯაოსთვის.

აქედან მსოფლიოს ჩემპიონი ზურაბ იაკობიშვილი (70) პირდაპირ დამამშვიდებლის ფინალშია გასული, სადაც უკრაინელ ანდრეი კვიატკოვსკისა და სომეხ ვალტერ მარგარიანს შორის გამარჯვებულს შეხვდება, ოლიმპიური და მსოფლიოს ჩემპიონი, ევროპის სამგზის გამარჯვებული ვლადიმერ ხინჩეგაშვილი (65) და ევროპის ფინალისტი ელიზბარ ოდიკაძე (97) კი სანუგეშო წრეში ჩაებმებიან.

ხინჩეგაშვილი პირველ წრეში მოლდოველ ანდრეი პერპელიტას დაეჭიდება, მოგების შემთხვევაში კი ბრინჯაოსთვის პაექრობას პოლონელ კრშიშტოფ ბიენკოვსკისთან ჩაატარებს.

ოდიკაძე თავდაპირველად იტალიელ აბრაჰამ დე ხესუს კონიედო რუანოს ხვდება, ხოლო მისი ჩამოცილების შემთხვევაში ბრინჯაოსთვის დასკვნით პაექრობას უკრაინელ მურაზ მჭედლიძესთან გამართავს.

დღეს ჩვენი ნაკრებიდან მედლებისთვის ბრძოლის ყოველგვარი შანსი ორმა ფალავანმა დაკარგა:

ოთარ გოგავა (57) ფრანგ ზოჰაირ ელ ოუარაქთან დამარცხდა, ევროპის მედალოსანი ჯუმბერ ყველაშვილი (79) - ბელარუს ალი შაბანაუსთან.

1192
მკითხველის კომენტარები / 0 /
მსგავსი ამბები
რუბრიკის სხვა სიახლეები
;