თავისუფალი ჭიდაობა. გივი მაჭარაშვილის სუპერფინალი - 8:1 რუს ბაზაევთან

მცხეთელი გივი მაჭარაშვილი (125) სტეფან სარგსიანის სახელობის საერთაშორისო ტურნირის გამარჯვებულია. სომხურ ვანაძორში გამართულ ამ შეჯიბრებაზე ახალგაზრდებსა და 23-წლამდელებში ევროპის ჩემპიონმა ნიჭიერმა ქართველმა ფინალში დამაჯერებლად, 8:1 მოუგო რუსეთის ნაკრების წევრ თემურ ბაზაევს.

არადა, მაჭარაშვილმა პირველი პერიოდი 0:1 დათმო, რადგან პასიურობისთვის 30-წამიანი საჯარიმო ჩაურთეს, თავად კი ქულის მოპოვება ვერ მოახერხა. სამაგიეროდ, ვითარება რადიკალურად გამოასწორა მეორე პერიოდში, როცა მეტოქე ჯერ ჩოქბჯენში ჩაიყვანა, იქიდან კი ზედიზედ სამჯერ დაატრიალა. ამით მან უფროსებში პირველი ტურნირი მოიგო.

ვანაძორში ჩვენმა ნაკრებმა 6 მედალი მოიპოვა - 1 ოქრო და 5 ბრინჯაო. მესამე პრიზიორები ამირან ვახტანგიშვილი, გიორგი რევაზიშვილი (ორივე - 61), მირზა სხულუხია (70), დავით ტლაშაძე (74) და მამუკა კორძაია (97) გახდნენ. მესამეზე კიდევ ერთი ქართველი - გიორგი საკანდელიძე გავიდა მძიმე წონაში, მაგრამ ის უკვე ყატარის სახელით გამოდის. გადამწყვეტ შეხვედრაში მან როლანდ ანდრიაძე დაგვიმარცხა.

2101
მკითხველის კომენტარები / 0 /
მსგავსი ამბები
რუბრიკის სხვა სიახლეები
;