[თავისუფალი ჭიდაობა] კენჭაძე და ოდიკაძე მსოფლიოს ნაკრების შემადგენლობაში რუსეთთან დამარცხდნენ

რუსეთის დედაქალაქში კვირას დასრულდა საერთაშორისო გალა-ტურნირი - "მოსკოვის გრან-პრიმ", რომელიც არასტანდარტული ფორმატით ჩატარდა. პარასკევს პირადი პირველობა გაიმართა, რომელშიც საქართველოს თავისუფალი სტილით ნაკრების წევრებმა მსოფლიოს ვიცე-ჩემპიონმა (74 კგ) ავთო კენჭაძემ და მსოფლიოს პრიზიორმა ელიზბარ ოდიკაძემ (97 კგ) ფინალში გასვლა შეძლეს და ავტომატურად მოიპოვეს მსოფლიოს ნაკრებში ჭიდაობის უფლება.

როგორც წინასწარ იყო დაგეგმილი, ფინალისტებმა მსოფლიოს ნაკრების შემადგენლობაში რუსეთის წინააღმდეგ იჭიდავეს და... 1:11 დამარცხდნენ. 

კენჭაძე, რომელმაც პარასკევს აზერბაიჯანელი ჰაჯიმურად გაჯიევი 12-2 დაამარცხა, მისთვის ნაცნობ მეტოქეს, ტიმურ ბიჟოევს შეხვდა და 1:2 დამარცხდა, ოდიკაძე კი, რომელიც გენო პეტრიაშვილის ნაცვლად ასპარეზობდა და მანამდე ბელარუს პიასნიაკს 10-0 მოუგო, ფინალში 0:2 დათმო მსოფლიოს სამგზის ჩემპიონ ბილიალ მახოვთან.

პარასკევს, ბრინჯაოს მედალი მოიპოვა ოლიმპიურმა ჩემპიონმა ლადო ხინჩეგაშვილმა, რომელმაც გადამწყვეტ შეხვედრაში გვინეის წარმომადგენელ კუმბა მბუნდეს 5-3 მოუგო.

1580
მკითხველის კომენტარები / 0 /
მსგავსი ამბები
რუბრიკის სხვა სიახლეები
;