თავისუფალი ჭიდაობა. ნიცაში გენო პეტრიაშვილის გარეშე, თითქმის ოპტიმალური გუნდით

საქართველოს თავისუფალი სტილით მოჭიდავეთა ნაკრები 1-3 თებერვალს ფრანგულ ნიცაში ანრი დეგლანის სახელობის "დიდ პრიზზე" იასპარეზებს. ეს შეჯიბრება ევროპის ჩემპიონატისთვის მზადების პროგრამაში შედის, რომელსაც 8-14 აპრილს ბუქარესტი უმასპინძლებს. ამიტომ ჩვენი ნაკრები ფრანგულ სანაპიროზე თითქმის ოპტიმალური შემადგენლობით იასპარეზებს.

არ იქნება მხოლოდ მძიმე წონის ლიდერი, მსოფლიოს ორგზის და ევროპის ჩემპიონი გენო პეტრიაშვილი (125). ქვეყნის წლევანდელ ჩემპიონთაგან ასევე არ იქნება მსოფლიოს ფინალისტი ავთანდილ კენჭაძე (74) და გამოვტოვებთ ერთ წონას - 92 კილოგრამს, სადაც 23-წლიანებში ევროპის ჩემპიონი ირაკლი მწითური და ევროპის ორგზის გამარჯვებული, მსოფლიოსა და ოლიმპიური პრიზიორი დავით მარსაგიშვილი გამოდიან.

სხვა ლიდერები საფრანგეთში უკლებლივ გამოვლენ, თუმცა ნაკრების მთავარ მწვრთნელ გიორგი იანტბელიძეს იქ მათთან ერთად ახალგაზრდებიც მიჰყავს გამოცდილების მისაღებად.

57 კგ. ოთარ გოგავა, ლაშა ლომთაძე, ბექა ბუჯიაშვილი
61 კგ. ბექა ლომთაძე
65 კგ. ვლადიმერ ხინჩეგაშვილი
70 კგ. ზურაბ იაკობიშვილი
74 კგ. ზურაბ ერბოწონაშვილი
79 კგ. ნიკოლოზ კენჭაძე, დავით ხუციშვილი
86 კგ. სანდრო ამინაშვილი, ტარზან მაისურაძე
97 კგ. მამუკა კორძაია
125 კგ. როლანდ ანდრიაძე

951
მკითხველის კომენტარები / 0 /
მსგავსი ამბები
რუბრიკის სხვა სიახლეები
;