თავისუფალი ჭიდაობა. ოდიკაძე ნახევარფინალშია, ხინჩეგაშვილი დამარცხდა

ელიზბარ ოდიკაძე (97 კგ) ევროპის ჩემპიონატის ნახევარფინალში გავიდა, სადაც ბელარუს ალექსანდრ ჰუშტინს დაეჭიდება. ოდიკაძემ ჯერ პოლონელ ბარანს სძლია 9:5, მერე ბულგარელ ჩტერევს 7:1 და მეოთხედფინალში თურქი იაშარლიც დაამარცხა - 2:0.

სამწუხაროდ, ლადო ხინჩეგაშვილმა (65 კგ) დათმო მერვედფინალური დაპირისპირება რუს ნაჩინ კუულართან.

ნიკა კენჭაძეს (79 კგ) სულ მცირე დააკლდა გამოცდილი აზერბაიჯანელის, ჯაბრაილ ჰასანოვის დასამარცხებლად. ქართველმა ფალავანმა ბოლო წამებზე მინიმალური ანგარიშით 6:7 დათმო ორთაბრძოლა.

დამარცხდა ზურაბ იაკობიშვილიც (70 კგ). მან მსოფლიოს ვიცე-ჩემპიონ, პოლონეთის სახელით მოასპარეზე მაგომედმურად გაჯიევთან წააგო პირველივე წრეში.

ნახევარფინალურმა წყვილებმა ასეთი სახეთ მიიღო:

57 კგ
გიორგი ვანგელოვი (ბულგარეთი) - სულეიმან ატილი (თურქეთი)
მუსლიმ სადულაევი (რუსეთი) - ანდრე დუკოვი (რუმინეთი)

65 კგ
ჰაჯი ალიევი (აზერბაიჯანი) - მაქსიმ საკულტარი (რუმინეთი)
ვასილი შუპტარი (უკრაინა) - კილიჩ სალაიანი (თურქეთი)

70 კგ
მუსტაფა კაია (თურქეთი) - მაგომედმურად გაჯიევი (პოლონეთი)
ნიკოლაე კოიოკარუ (დიდი ბრიტანეთი) - აღაჰუსეინ მუსტაფაევი (აზერბაიჯანი)

79 კგ
აჰმედ გაზიმაგომედოვი (რუსეთი) - ოლექსეი დომანიცკი (უკრაინა)
ანდრე კარპაჩი (ბელარუსი) - ჯაბრაილ ჰასანოვი (აზერბაჯანი)

97 კგ
ელიზბარ ოდიკაძე (საქართველო) - ალექსანდრ ჰუშტინი (ბელარუსი)
აბდულრაშიდ სადულაევი (რუსეთი) - მაგომედგაჯი ნუროვი (მაკედონი)

ბულგარელი ვანგელოვის (57 კგ), პოლონელი გაჯიევის (70 კგ) და აზერბაიჯანელი ჰასანოვის (79 კგ) ფინალში გასვლის შემთხვევაში, ქართველი ფალავნები - ოთარ გოგავა, ზურაბ იაკობიშვილი და ნიკა კენჭაძე დამამშვიდებელი წრიდან გააგრძელებენ ბრძოლას ბრინჯაოს მედლებისთვის.
1229
მკითხველის კომენტარები / 0 /
მსგავსი ამბები
რუბრიკის სხვა სიახლეები
;