[თავისუფალი ჭიდაობა] სტამბოლის ტურნირი. სულავა და მარსაგიშვილი ოქროსთვის იბრძოლებენ

გიორგი სულავა (74 კგ) და დავით მარსაგიშვილი (93 კგ) თურქეთის საერთაშორისო ტურნირის ფინალში გავიდნენ. 12 იანვარს, "იაშარ დოგუს" ბოლო დღეს, სულავა ბულგარეთის წარმომადგენელ უმარპაშაევს დაუპირისპირდება, ხოლო მარსაგიშვილი აზერბაიჯანის ნაკრების წევრ ალბოროვს დაეჭიდება.

ირაკლი მწითურს, დავით ფირუზაშვილსა (ორივე - 92 კგ) და ალექსი ჟორჟოლიანს (125 კგ) ბრინჯაოს მედლამდე თითო გამარჯვება აშორებთ. ოთარ გოგავა და თეიმურაზ ვანიშვილი (ორივე - 61 კგ) კი "რეპეშაჟში" ერთმანეთის პირისპირ წარსდგებიან და გამარჯვებული "ბრინჯაოს ფინალის" საგზურს მოიპოვებს.

იაშარ დოგუს სახელობის ტრადიციულ საერთაშორისო ტურნირზე თავისუფალი სტილით მოჭიდავეებს შორის 10 წონითი კატეგორიიდან საპრიზო სამეულები 5-ში შეივსო. ქართველების ანგარიშზე 4 მედალია - ედემი ბოლქვაძესა (65 კგ) და გივი მაჭარაშვილს (97 კგ) ვერცხლი ერგოთ, ხოლო სანდრო ამინაშვილსა (86 კგ) და ზურაბ ურთაშვილს (97 კგ) - ბრინჯაო.

ფინალში გასვლის შანსი ქონდა ზურაბ ერბოწონაშვილსაც (79 კგ), რომელიც 8:5-ს უგებდა უკრაინის წარმომადგენელ ზაკარიევს, თუმცა ბრძოლის ბოლო წამებზე უკრაინელმა აკრძალული ხერხებით სცადა ჩვენი ფალავნის პროვოცირება და უხეშობაზე გადავიდა. მეტოქის არასპორტულ საქციელს ერბოწონაშვილმაც უპასუხა, რასაც დიდი შეხლა-შემოხლა და მასობრივი ჩხუბი მოჰყვა. საბოლოოდ, ორივე ასპარეზობიდან სპორტსმენი მოიხსნა.

1447
მკითხველის კომენტარები / 0 /
მსგავსი ამბები
რუბრიკის სხვა სიახლეები
;