თავისუფალი ჭიდაობა. ლადო ხინჩეგაშვილმა აქაც იოლად გაიმარჯვა

"ოლიმპიური პარკის" ფრენბურთის არენაში დასრულდა თავისუფალი სტილით მოჭიდავეთა საქართველოს წლევანდელი ჩემპიონატი პირველ 5 წონაში და გაირკვნენ ჩემპიონ-მედალოსნები.

დღემ სენსაციების გარეშე ჩაიარა და ისევ ფავორიტებმა გაიმარჯვეს, რომლებმაც ბოლომდე გაამართლეს მწვრთნელთა იმედები. ამ 5 წონიდან ყველაზე გაურკვეველი ვითარება ყველაზე მჩატეში - 57-ში იყო, რადგან იქაურმა ლიდერებმა ზედა წონებს მიაშურეს, თუმცა მოულოდნელი არც ოთარ გოგავას გამარჯვებაა.

ახალ წონაში გადასვლის მიუხედავად, იოლად გაიმარჯვა ოლიმპიურმა და მსოფლიოს ჩემპიონმა, ევროპის სამგზის გამარჯვებულმა ვლადიმერ ხინჩეგაშვილმა (65), ვინც ფინალში წმინდად, 10:0 დაამარცხა ყვარლელი მაგომედ საიდოვი.

57 კგ.
1. ოთარ გოგავა (ხონი); 2. თეიმურაზ ვანიშვილი (გორი); 3. რობერტ დინგაშვილი (ყვარელი), რამაზ დარჩიძე (აჭარა).

65 კგ.
1. ვლადიმერ ხინჩეგაშვილი (გორი); 2. მაგომედ საიდოვი (ყვარელი); 3. გიორგი რევაზიშვილი (მცხეთა), ედემი ბოლქვაძე (სამტრედია)

74 კგ.
1. ავთანდილ კენჭაძე (ამბროლაური); 2. ზურაბ ერბოწონაშვილი (საგარეჯო); 3. ალექსანდრე ჯაჭვაძე (გარდაბანი), ტარზან მაისურაძე (თბილისი)

86 კგ.
1. სანდრო ამინაშვილი (თბილისი); 2. დავით ხუციშვილი (საგარეჯო); 3. დავით ფირუზაშვილი (თბილისი), ზაურ ბერაძე (ხარაგაული).

97 კგ.
1. ელიზბარ ოდიკაძე (თბილისი); 2. ზვიად მეტრეველი (ონი); 3. მამუკა კორძაია (აჭარა), გივი მაჭარაშვილი (მცხეთა).

ასევე გაიმართა წინასწარი შეხვედრები დარჩენილ 5 წონაში, თუმცა სანუგეშო ეტაპის ორთაბრძოლები ხვალისთვის გადაიტანეს. ამიტომ გარკვეულია მხოლოდ ფინალური წყვილები და ბრინჯაოსთვის მებრძოლთა ნაწილი - ისინი, რომლებიც ნახევარფინალში დამარცხდნენ. გთავაზობთ ფინალისტებს და იმ ათლეტებს, რომლებმაც გაინაღდეს ბრინჯაოსთვის ჭიდაობის უფლება.

61 კგ.
ფინალი
ბექა ლომთაძე - ლაშა ლომთაძე (ორივე - ქუთაისი)
III ადგილი
გიორგი პასიკაშვილი (საგარეჯო), ლევან მარცვალაძე (თბილისი)

70 კგ.
ფინალი
ზურაბ იაკობიშვილი (ყვარელი) - ლევან ქელეხსაშვილი (ხაშური, ომც)
III ადგილი
რამზან მალაკოევი (ყვარელი, ომც), შმაგი თოდუა (სამტრედია, ომც)

79 კგ.
ფინალი
იაკობ მარქარაშვილი (თბილისი) - ჯუმბერ ყველაშვილი (გორი)
III ადგილი
ტარიელ მიდელაშვილი (კასპი), თორნიკე კვინიკაძე (ხაშური).

125 კგ.
1. გიორგი მეშვილიდშვილი (ონი, ომც) - ომარ გუსოშვილი (გორი)
III ადგილი
თედო ებანოიძე (ხარაგაული), საბა ჯელაძე (ამბროლაური)

ყოველდღიური სპორტული გაზეთი "ლელო"
1555
მკითხველის კომენტარები / 0 /
მსგავსი ამბები
რუბრიკის სხვა სიახლეები
;