თავისუფალი ჭიდაობა. საქართველო ნიცას დაა'ცხრა - ფრანგული ტურნირის ანალიზი

საქართველოს თავისუფალი სტილით მოჭიდავეთა ნაკრებმა დიდი წარმატებით იასპარეზა ფრანგულ ნიცაში ჩატარებულ ანრი დეგლანის სახელობის "დიდ პრიზზე", სადაც 9 მედალი და გუნდური პირველობა მოიპოვეს. გიორგი იანტბელიძის შეგირდების მონაგარი 4-4 ოქრო-ბრინჯაო და 1 ვერცხლია. საფრანგეთის ლაჟვარდოვან სანაპიროზე ჩემპიონები ოთარ გოგავა (57), ბექა ლომთაძე (61), ზურაბ იაკობიშვილი (70) და დავით ხუციშვილი (79) გახდნენ. ფინალში ტარზან მაისურაძე (86) დამარცხდა, ხოლო მესამე ადგილზე ლაშა ლომთაძე (61), ზურაბ ერბოწონაშვილი (74), მამუკა კორძაია (97) და როლანდ ანდრიაძე (125) გავიდნენ.

ნიცაში ოლიმპიურ ჩემპიონ დეგლანის სახელობის "დიდი პრიზი" 45-ედ ჩატარდა და მასში 10-ზე მეტი ნაკრები მონაწილეობდა. ის სამივე საჭიდაო სახეობაში გაიმართა, თუმცა ჩვენები მხოლოდ თავისუფალ ჭიდაობაში გამოვიდნენ, რადგან ბერძენ-რომაელები ამავე დღეებში თურქეში ასპარეზობდნენ არანაკლებ პრესტიჟულ შეჯიბრებაში და იმათაც გვარიანი წარმატებით მოიარეს მეზობელი ქვეყანა.

"თავისუფალთა" ნაკრების თავკაცი იანტბელიძე ფრანგულ ტურნირს აპრილში რუმინეთში გასამართავი ევროპის ჩემპიონატისთვის შესარჩევად იყენებდა და ამიტომ იქ თითქმის ყველა ლიდერი და საქართველოს წლევანდელი გამარჯვებული ანუ კონტინენტის პოირველობაზე წასვლის უმთავრესი კანდიდატები წაიყვანა თითო-ოროლა გამონაკლისის გარდა. შეიძლება ითქვას, შეგირდებმა გამოცდა წარმატებითაც ჩააბარეს და საკმაოდ კარგი ჭიდაობა აჩვენეს.

მათ გუნდურ ჩათვლაში დიდი უპირატესობით ჩამოიტოვეს გერმანია და ბელარუსი, ამ მიღწევისათვის კი სპეციალური პრიზი მიიღეს თვით საფრანგეთის პრეზიდენტ ემანუელ მაკრონისგან. ეს პრიზი საუკეთესო გუნდისთვის თავად მაკრონიმ დააწესა და ჩვენს ნაკრებს გადასცა მისივე ავტოგრაფითა და მილოცვით.

888
მკითხველის კომენტარები / 0 /
მსგავსი ამბები
რუბრიკის სხვა სიახლეები
;