თამაზ მჭედლიძის საშინელი ტრავმა

წლის მიწურულს საფრანგეთის ჩემპიონატის, TOP 14-ის მე-13 ტურში თამაზ მჭედლიძისა და გიორგი თეთრაშვილი „აჟენი“ „ლიონს“ ესტუმრა და 20:52 დამარცხდა.

მჭედლიძემ თამაში მესამე ხაზში დაიწყო, რაც მიმდინარე სეზონში პირველად მოხდა. ქართველმა მორაგბემ მე-9 წუთზე უმძიმესი ტრავმა მიიღო და მოედნიდან სპეციალური მანქანის დახმარებით გაიყვანეს.

ქართველმა მორაგბემ ბარძაყი მოიტეხა. ტრავმის ეპიზოდში მსაჯმა მაქსიმ შალონმა შეხვედრა უმალვე შეაჩერა და მოედანზე ექიმებს უხმო. ტრავმის სერიოზულობიდან გამომდინარე, „აჟენის“ ექიმებს ლიონის ექიმებიც დაეხმარნენ. მჭედლიძე აპლოდისმენტებით გააცილეს. „ძალიან ვნერვიულობთ მის გამო!“, - განაცხადა აჟენის მორაგბემ, რემი ვეკინმა.

ქართველი მორაგბე უკვე გამოწერეს საავადმყოფოდან, ტრავმა უფრო მსუბუქი აღმოჩნდა, ვიდრე ექიმები შიშობდნენ, თუმცა თამაზს იძულებითი უქმობა დიდხანს მოუწევს და მისი გამოსვლა მსოფლიოს თასზე კითხვის ნიშნის ქვეშაა.

ყოველდღიური სპორტული გაზეთი "ლელო"
1759
მკითხველის კომენტარები / 3 /
tbiliseli
0
ეგ არაუშავს თაზო! მსოფლიოზე ვიცი რომ ნაკრებს დაეხმარები, ღმერთი ჩვენთან.
სოსო
0
სწრაფ გამოჯანმრთელებას ვუსურვებ თაზოს.მსოფლიოს თასზე ძალიან დაგვჭირდები თაზო.
მსგავსი ამბები
რუბრიკის სხვა სიახლეები
;