თანასის ანტეტოკუნმპო: საქართველოში მეგობრები მყავს, მაგრამ...

მსოფლიოს თასზე სათამაშოდ საბერძნეთის ნაკრებს ჩამოჰყვა მილუოკის მფრინავი ვარსკვლავის, იანის ანტეტოკუნმპოს ძმა თანასისი. ისიც მფრინავი.

თანასისისთვის საქართველო უცხო არ არის, ერთი წლის წინათ გიორგი შერმადინთან და ბექა ბურჯანაძესთან ერთად ანდორაში თამაშობდა.

საქართველო-საბერძნეთის მატჩის წინა დღეს, ელინთა ვარჯიშის შემდეგ ანტეტოკუნმპოს მატჩის შესახებ ვკითხეთ. აი, პასუხიც:

- საქართველოში მეგობრები მყავს, გიორგი შერმადინი და ბექა ბურჯანაძე. ისინი თავის ქვეყანაში მეპატიჟებოდნენ და აი, ჩამოვედი.

თუმცა ამჯერად გართობისთვის არ მცალია, სერიოზული მატჩი გველის. საბერძნეთის ნაკრები ამ შეხვედრისთვის განსაკუთრებით ემზადება.

ვიცით ქართველთა შესაძლებლობები. თქვენი გუნდი ხომ უმაღლესი დონის კალათბურთელებითაა დაკომპლექტებული. მათთან კარგ დაცვას დიდი მნიშვნელობა აქვს.

1906
მკითხველის კომენტარები / 0 /
რუბრიკის სხვა სიახლეები