თბილისის თასი ოლიმპიურში

6-8 ივლისს დიღმის ოლიმპიური საცურაო ღია აუზი წყალბურთელ ვაჟთა საერთაშორისო ტურნირს უმასპინძლებს თბილისის თასზე.

საპრიზო ადგილებისთვის ერთმანეთს დაუპირისპირდებიან ქართველი, ყაზახი, თურქი და სლოვაკი სპორტსმენები.

რევაზ ჩომახიძის ხელმძღვანელობით საქართველოს ნაკრებში ითამაშებენ ნიკოლოზ შუბლაძე, ირაკლი რაზმაძე, ბექა ქავთარაძე, დამირ ცრეპულია, რევაზ იმნაიშვილი, ანდრია ბითაძე, მარკო ელაჩა, ხვიჩა ჯახაია, მიხეილ ბაღათურია, ნიკოლოზ შუშიაშვილი, ზურაბ რურუა, კონსტანტინე გეგელაშვილი, ლევან ჩიქვინიძე, გიორგი მაგრაქველიძე, გიორგი მესხი.

თურქეთის, სლოვაკეთისა და ჩვენი გუნდებისთვის ეს იქნება ბოლო რეპეტიცია ევროპის ჩემპიონატის ფინალური ეტაპის წინ, რომელსაც 14-28 ივლისს ბარსელონა უმასპინძლებს. შეგახსენებთ, რომ კატალონიის დედაქალაქში ჩვენები ჯგუფურ ეტაპზე იტალიას, უნგრეთსა და გერმანიას დაუპირისპირდებიან.

თბილისის სამდღიანი საერთაშორისო ტურნირის განრიგი კი ასეთია:
6 ივლისი. თურქეთი-სლოვაკეთი (16.30), საქართველო-ყაზახეთი (18.00);
7 ივლისი. ყაზახეთი-თურქეთი (16.30), საქართველო-სლოვაკეთი (18.00);
8 ივლისი. სლოვაკეთი-ყაზახეთი (10.30), საქართველო-თურქეთი (12.00).

ყოველდღიური სპორტული გაზეთი "ლელო"
772
მკითხველის კომენტარები / 0 /
მსგავსი ამბები
რუბრიკის სხვა სიახლეები
;