birmingham mail თემურ ქეცბაიაზე: ის მსოფლიო კლასის მოთამაშე უნდა ყოფილიყო! [VIDEO]

birminghammail-მა თემურ ქეცბაიაზე საინტერესო წერილი გამოაქვეყნა, სადაც "ვულვერჰემპტონის" ყოფილ ლეგიონერს იხსენებს...

მგლების ცეცხლოვანი ვარსკვლავი, რომელიც ლეგენდა უნდა გამხდარიყო

ეს არის "მგლების" ისტორია, რომელსაც სხვა დასასრული უნდა ჰქონოდა. ეს იყო კონტრაქტი, რომელიც მართლაც საინტერესოთა კატეგორიაში შევიდა და რომელიც კლუბთან თემურ ქეცბაიამ გააფორმა. ჯიუტი ქართველი "მგლებთან" "ნიუკასლიდან" მოვიდა. ეს იყო ხელმოწერა, რომელიც კლუბისთვის იდეალური უნდა ყოფილიყო.

ვინ არის თემურ ქეცბაია?

ქეცბაია დიდი წარმატებით გამოდიოდა თბილისის "დინამოში", "ანორთოსისსა" და ათენის აეკ-ში. როცა "სენტ ჯეიმს პარკზე" ჩავიდა, მზად იყო ინგლისური აუდიტორიისა და გულშემატკივრების გულები დაეპყრო. ინგლისური კარიერის დასაწყისში "ნიუკასლი" მის მიერ ხორვატულ "კროაციასთან" დამატებულ დროში გატანილი გოლით პირველად მოხვდა ჩემპიონთა ლიგის ჯგუფურ ეტაპზე. თუმცა სამ წელიწადში ჩატარებულ 78 მატჩში ქეცბაიამ მხოლოდ 8 გოლი გაიტანა და გუნდი იმედგაცრუებულმა  დატოვა.

საკულტო გმირი

მას "ნიუკასლში" არ მიუღია ის სათამაშო დრო, რაც სურდა - ხშირად შეცვლებზე შედიოდა, რამაც გამოიწვია "ბოლტონთან" გოლის სკანდალური აღნიშვნა. ამის  მიუხედავად, ქეცბაია ნიუკასლელ ფანებს ძალიან უყვარდათ. ის "მგლებმა" 900 ათას ფუნტად გაყიდეს, რაც 2000 წელს საკმაოდ დიდი თანხა იყო "ვულვზისთვის", რომელიც დიდი კლუბი არ იყო და არც დიდი ფული ჰქონდა.

ქეცბაია განსხვავებული გახლდათ, თუმცა მისთვის სულ ერთი იყო, ვინ რას ფიქრობდა. სინამდვილეში, ის მსოფლიო კლასის მოთამაშე უნდა ყოფილიყო. "ვულვზის" ყოფილი მენეჯერი კოლინ ლი იყო ის ადამიანი, რომელიც ქართველით აღფრთოვანებული გახლდათ:

"თემური დიდი ფეხბურთელი იყო, რომელმაც გუნდს რაღაცა ახალი შეჰმატა. მას ნებისმიერი გოლის გატანა შეეძლო".

ახალი მენეჯერის მსხვერპლი

ქეცბაია გახდა "მგლების" ახალი მენეჯერის, დეივ ჯონსის ტაქტიკისა და სისტემის მსხვერპლი. სინამდვილეში, ის დიდად არც შეესაბამება მის ფეხბურთს, მაგრამ იდეალურად შეესაბამებოდა გულშემატკივრების გემოვნებას.

როგორც თავის დროზე "ნიუკასლში", მას სკამზე ჯდომა აქაც საკმაოდ დიდხანს უწევდა. ამის გამო ქეცბაიამ "ვულვზში" გადასვლა ასე შეაფასა: "ყველაზე ცუდი გადაწყვეტილება ჩემს ცხოვრებაში".

"აფეთქება" მოხდა მას შემდეგ, რაც დეივ ჯონსმა "კრისტალ პალასთან" შეხვედრაში შეცვალა, ქეცბაიამ კი მაისურა მოედანზე დააგდო.

ჯონსმა კლუბის ხელმძღვანელებთან ეს კონფლიქტი ასე ახსნა: "ქეცბაიამ უნდა გაიგოს, რომ ეს ტაქტიკური ცვლილება იყო".

ქეცბაია კი რამდენიმე დღე ბობოქრობდა: "ასე მხოლოდ ბოლო ორ მატჩში არ ხდება, ეს გრძელდება ბოლო ოთხი თვეა. გასულ ზაფხულს ჩემს ცხოვრებაში ყველაზე ცუდი გადაწყვეტილება მივიღე. აქ ხალხი ჩემს გადმოსვლაზე ოცნებობდა და ვფიქრობ, უფრო მეტ პატივისცემას ვიმსახურებ. მე აქ ქუჩიდან არ მოვსულვარ. "ნიუკასლთან" კიდევ 2-წლიანი კონტრაქტი მქონდა, მაგრამ გადმოვედი, რათა კლუბს დავხმარებოდი. შემეძლო, "ნიუკასლში" დავრჩენილიყავი და ხელფასი ამეღო, მაგრამ 33 წლის ვარ და არა - 25 ან 26 წლის. ამიტომ, კლუბსა და საკუთარ სახელზე ვზრუნავ. ამის გამო, აქ თავს ძალიან ცუდად ვგრძნობ".

 "მგლების" ფანებს ინდივიდუალისტები უყვართ და მათ ქეცბაიას დარჩენა ძალიან სურდათ - იმ მოთამაშისა, რომელსაც შეეძლო და უნდა ყოფილიყო კიდეც "ვულვზის" ფანების კერპი.

რა მოხდა შემდეგ? ის "დანდიში" წავიდა, კარიერა კი "ანორთოსისში" დაასრულა, სადაც 100 მატჩში 39 გოლი გაიტანა. მას შემდეგ სამწვრთნელო კარიერა დაიწყო და იმუშავა "ანორთოსისში", "ოლიმპიაკოსში", საქართველოს ეროვნულ ნაკრებში, აპოელ-სა და ათენის აეკ-ში. ამ პერიოდში მან თამაშების 54% მოიგო".

2022
მკითხველის კომენტარები / 1 /
bajo
0
erterti tavdadebuli fexburtelia temo romelic martla ro oobda mindorze.saamayo qartveli
მსგავსი ამბები
რუბრიკის სხვა სიახლეები
;