თეოდორა კახიანი პლეი ოფში ვერ მოხვდა

გასულ უქმეებზე პარიზის ახლოს ორლეანში მოხმალავე ქალთა მსოფლიოს თასის პირველი ეტაპი გათამაშდა. სხვადასხვა ქვეყნის 176 წარმომადგენელს შორის იყო ქართველი მოფარიკავე, 2017 წლის ევროპის ჩემპიონი თეოდორა კახიანი.

იგი ამ ტურნირისთვის პენსილვანიაში (აშშ) პირადი მწვრთნელის - ვეს გლონის ხელმძღვანელობით მოემზადა. ეტყობა, მან ჩვეული ფორმის აღდგენა ვერ მოასწრო, რადგან ჯგუფში ექვსიდან მხოლოდ ერთი შეხვედრა მოიგო - ბრიტანელი ემილი რუქსი დაამარცხა 5:1, დანარჩენი ხუთი პაექრობა დათმო - მასპინძელ კერომი მასუსთან (4:5), ამერიკელ რაიან ჯენკინსთან (2:5), უნგრელ იულია მიკულიკთან (2:5), იტალიელ არიანა ერიგოსა (2:5) და ვენესუელელ კატერინ ტორესთან (3:5).

არადა, ამ მეტოქეებიდან მხოლოდ ერთი იყო ტიტულოვანი - აპენინელი არიანა ერიგო, რომელიც რაპირაშია ლონდონის ოლიმპიადის გამარჯვებული გუნდურში და პირადში ვერცხლის მედალი აქვს მოპოვებული, მსოფლიოს რვაგზის და ევროპის ექვსგზის ჩემპიონია.

კახიანი ხუთი წაგებით პლეი ოფში ვერ მოხვდა და საბოლოოდ 149-ე ადგილით დაკმაყოფილდა.

ყოველდღიური სპორტული გაზეთი "ლელო"
395
მკითხველის კომენტარები / 0 /
მსგავსი ამბები
რუბრიკის სხვა სიახლეები