თვის მონაგარი - რა გვარგუნა თებერვალმა

3-4. ჩოგბურთი. საქართველოს ნაკრები დევისის თასზე მაროკოსთან 1:3 დამარცხდა.
4. ჩოგბურთი. ოქსანა კალაშნიკოვამ ტაივანის ღია პირველობის ფინალში ითამაშა.

5. ძალოსნობა. ძალოსნობის საერთაშორისო ფედერაციამ ლაშა ტალახაძე წლის საუკეთესო ძალოსანად დაასახელა.
8-10. ჩოგბურთი. ფედერაციის თასი. საქართველოს ნაკრებმა (კაპიტანი მარგალიტა ჩახნაშვილი-რანცინგერი) ევროპა-აფრიკის I ზონაში ბულგარეთთან 1:2 დათმო,

ამავე ანგარიშით დამარცხდა სერბეთთან, 2:1 მოუგო ავსტრიას და ზონაში ადგილი შეინარჩუნა.
10-11. ძიუდო. პარიზის გრანდ სლემზე ლაშა შავდათუაშვილი (73 კგ.) და ბექა ღვინიაშვილი ვერცხლის მედალოსნები გახდნენ. ნუგზარ ტატალაშვილმა (81) და

ვარლამ ლიპარტელიანმა (100) ბრინჯაოს მედლები მოიპოვეს.

10. რაგბი. რაგბი ევროპის ჩემპიონატის პირველ ტურში საქართველოს ნაკრებმა (მწვრთნელი მილტონ ჰეიგი) ქუთაისში ბელგია 47:0 დაამარცხა.

11. სუმო. ლევან გორგაძემ ერთდღიანი ტურნირი მოიგო ტოკიოში.
12. ოლიმპიადა. მოციგავე გიორგი სოღოიანმა ასპარეზობა 32-ე ადგილზე დაასრულა.

15. ოლიმპიადა. სამთო-მოთხილამურე ნინო წიკლაურმა გიგანტური სლალომი 46-ე ადგილზე დაასრულა.
16. ოლიმპიადა. ნინო წიკლაურმა სლალომში 39-ე ადგილი დაიკავა.

17. ოლიმპიადა. მორის ყვითელაშვილმა (ფიგურული ციგურაობა) 24-ე ადგილი დაიკავა.
17. რაგბი. რაგბი ევროპის ჩემპიონატის მეორე ტურში საქართველომ სტუმრად მოუგო გერმანიას 64:0.

17-18. ძიუდო. ქართველმა ძიუდოისტებმა ავსტრიაში ევროპის ღია თასზე ორი ოქროს მედალი - ონისე სანებლიძე (100) და ონისე ბუღაძე (+100) - მოიპოვეს, ვერცხლი გიორგი ქავთარაძემ (+100) მოიპოვა, ბრინჯაო - დავით ოზბეთელაშვილმა (100).

23. კალათბურთი. მსოფლიოს თასის საკვალიფიკაციო მატჩში საქართველოს ნაკრებმა (მწვრთნელი ილიას ზუროსი) სტუმრად ავსტრია დაამარცხა - 78:64.
24. ფეხბურთი. საქართველოს სუპერთასი ჩემპიონმა "ტორპედომ" მოიგო, რომელმაც საჩხერის "ჩიხურა" 2:1 დაამარცხა.

24. წყალბურთი. ევროპის ჩემპიონატის საკვალიფიკაციო პლეი ოფში საქართველოს ნაკრებმა (მწვრთნელი რევაზ ჩომახიძე) 12:1 მოუგო ისრაელს.

24-25. ჭიდაობა. კიევის საერთაშორისო ტურნირში ქართველებმა 11 მედალი მოიპოვეს - ჩემპიონები გახდნენ ლევან ქავჟარაძე (67 კგ) და შმაგი ბოლქვაძე (72).
24-25. ძიუდო. დიუსელდორფის გრანდ სლემზე ვარლამ ლიპარტელიანი (100) ჩემპიონი გახდა, ხოლო ლუხუმ ჩხვიმიანმა (60) ბრინჯაოს მედალი მოიპოვა.

25. ჭადრაკი. საქართველოს 75-ე ჩემპიონატი ქალთა შორის ნინო ბაციაშვილმა მოიგო.

25. კალათბურთი. მსოფლიოს თასის საკვალიფიკაციო მატჩში საქართველოს ნაკრები შინ გერმანიასთან დამარცხდა - 77:87.
26. სუმო. ლევან გირგაძეს (ტოჩინოშინი) სეკივაკეს წოდება მიანიჭეს.

ყოველდღიური სპორტული გაზეთი "ლელო"
1030
მკითხველის კომენტარები / 0 /
მსგავსი ამბები
რუბრიკის სხვა სიახლეები
;