თორნიკე შენგელიამ ესპანეთის ჩემპიონ ვალენსიას სძლია

გიორგი შერმადინის "უნიკახას" დარად ესპანეთის ჩემპიონატში ღირებული გამარჯვება მოიპოვა თორნიკე შენგელიას "ბასკონიამ". ბასკებმა მოქმედ ჩემპიონ "ვალენსიას" უმასპინძლეს და 78:74 აჯობეს. ეს იყო ერთგვარი რევანში გასულ სეზონში პლეი ოფში დამარცხების სანაცვლოდ.

თორნიკე შენგელია სასტარტო ხუთეულში იყო და გამარჯვებაში 9-ქულიანი წვლილი შეიტანა. მისი სრული მონაგარი ასეთი იყო: 23 წუთი, 9 ქულა (9/3 ორქულიანი, 2/1 სამიანი) 1 მოხსნა, 4 პასი.

მატჩის ბომბარდირი 20 ქულით ბასკონიელი ამერიკელი დენი გრეინჯერი გახდა.

თოკოს გუნდს 8 მოგების წილ 6 წაგება აქვს და სატურნირო ცხრილში მე-6 ადგილზეა. მომდევნო შეხვედრას 14 იანვარს ტენერიფეში ამავე სახელწოდების გუნდთან გამართავს.

1389
მკითხველის კომენტარები / 0 /
მსგავსი ამბები
;