ნახეთ VIDEO, თორნიკე შენგელიამ რუსული არმია პირადად დაამარცხა!

ევროლიგაზე სუპერმატჩი გამართა "ბასკონიამ" და მისმა ლიდერმა თორნიკე შენგელიამ. ვიტორიაში მოსკოვის ცსკა ჩავიდა, რომელსაც გამარჯვების დიდი იმედიც ჰქონდა, თუმცა ბასკებმა ბოლო წუთებში გაცილებით უკეთ ითამაშეს და 80:70 გაიმარჯვეს.

წარმატებაში ლომის წვლილი თოკოს მიუძღვის, რომელმაც სირენამდე წუთით ადრე ბურთი საკუთარ ფარზე მოხსნა, 47 წამით ადრე კი ორქულიანი ჩააგდო და თანაგუნდელები 76:70 დააწინაურა. საპასუხო შეტევაში შენგელია მყარად დაუდგა გერმანელ ვოიტმანს, შეტევაში დააჯარიმა... მატჩის დასრულებას 18 წამი რომ აკლდა ქართველმა კაპიტანმა კიდევ ორი საჯარიმო გამოიყენა (78:70), რაც უკვე გამარჯვებას ნიშნავდა.

თორნიკე მატჩის საუკეთესო კალათბურთელი გახდა და სერიოზული განაცხადი გააკეთა ტურის MVP-ის ტიტულის მიღებაზე. მისი მონაგარი ცსკა-სთან: 32 წუთი, 22 ქულა (8/5 ორქულიანი, 5/2 სამიანი, 7/6 საჯარიმო), 6 მოხსნა, 1 პასი, 3 ჩაჭრა.

2784
მკითხველის კომენტარები / 0 /
მსგავსი ამბები
რუბრიკის სხვა სიახლეები
;