თორნიკე შენგელიასა და გიორგი შერმადინის ათი ქულა ევროლიგაზე [VIDEO]

27 ოქტომბერს, საკალათბურთო ევროლიგის მეოთხე ტურში ქართველი კალათბურთელების გუნდებმა ითამაშეს.

თორნიკე შენგელიას "ბასკონია" გერმანიას ესტუმრა და "ბროსე ბამბერგთან" ბოლო წუთებზე 72:78 დამარცხდა.

ბამბერგელებს "კანტუს" ყოფილი მწვრთნელი ანდრეა ტრინკიერი წვრთნის, რომელსაც მშვენივრად აწყობილი სისტემა აქვს და წარმატებესაც სწორედ გუნდური თამაშის ხარჯზე აღწევს, ისევე როგორც რამდენიმე წლის წინათ "კანტუში", რომელშიც მანუჩარ მარკოიშვილი და გიორგი შერმადინი თამაშობდნენ.

შენგელიამ ყველაზე მეტი, 36 წუთი ითამაშა, 8 ქულა, 9 მოხსნა და თითო ჩაჭრა-დაფარება მოაგროვა. მის მოწინააღმდეგე გუნდში საქართველოს ნაკრებში ნათამაშები (2013 წლის ევრობასკეტზე) რიკი ჰიკმანი იყო. მისი მონაგარი 9 ქულაა.

"ბასკონიას" ევროლიგაზე ოთხი ტურის შემდეგ მოგება ჯერ არ აქვს.

გიორგი შერმადინის "უნიკახა" ევროლიგის "ვალენსიას" ეწვია და დიდი სხვაობით წააგო - 53:91. გიორგი მწვრთნელმა მხოლოდ 10 წუთი ათამაშა და ქართველმა ცენტრმაც 2 ქულისა და 2 მოხსნის მოგროვება მოასწრო.

"უნიკახას" წლევანდელ ევროლიგაზე ერთი მოგება აქვს და მე-14 ადგილზეა.

1175
მკითხველის კომენტარები / 0 /
მსგავსი ამბები
რუბრიკის სხვა სიახლეები
;