თორნიკე შენგელიას "ბასკონიამ" რუსული "ხიმკი" ბოლო წუთზე დაამარცხა

ევროლიგაზე 21-ე მატჩი გამართა და მე-8 გამარჯვება მოიპოვა თორნიკე შენგელიას "ბასკონიამ". მისი მოწინააღმდეგე რუსული "ხიმკი" იყო, რომელმაც შეხვედრა მშვენივრად ჩაატარა, ბოლო წუთებამდე წინაც იყო, მაგრამ გადამწყვეტ მომენტში მეტი სიზუსტე ბასკონიელებმა გამოიჩინეს და 83:79 გაიმარჯვეს.

თორნიკემ შეხვედრა მშვენივრად დაიწყო, პირველ პერიოდში 6 ქულა მოაგროვა, თუმცა დარჩენილ დროში ქულათა მარაგი მხოლოდ 2-ით შეივსო და საბოლოო სტატისტიკა ასეთი ჰქონდა: 25 წუთი, 8 ქულა (4/2 ორქულიანი, 4/4 საჯარიმო), 4 მოხსნა, 2 პასი, 1 ჩაჭრა.

ბასკებისა და საქართველოს ნაკრების ამერიკელმა მეტ ჯენინგმა 22 წუთში 2 ქულა ჩააგდო. მატჩის ბომბარდირი კი მასპინძელთა კიდევ ერთი ამერიკელი შევონ შილდსი გახდა - 22 ქულა.

"ბასკონიას" მომდევნო მატჩი "ოლიმპიაკოსთან" საბერძნეთში 30 იანვარს ელის.

907
მკითხველის კომენტარები / 0 /
მსგავსი ამბები
რუბრიკის სხვა სიახლეები
;