თოკო შენგელიას მეგაკონტრაქტი სულაც არ ნიშნავს, რომ NBA-ში ვერ წავა

გამოცემა "ევროჰუპსმა" საინტერესო ინფორმაცია გაავრცელა - საქართველოს ნაკრების ფორვარდი თორნიკე შენგელია 2022 წლამდე "ბასკონიაში" ითამაშებს.
შეგახსენებთ, რომ მას ბასკურ გუნდთან კონტრაქტი 2020 წლამდე აკავშირებდა. ამ ხელშეკრულების მიხედვით თოკოს უფლება ჰქონდა დიდი გამოსასყიდის გარეშე NBA-ს გუნდში გადასულიყო. 

თორნიკე შენგელია
23

დაიბადა 5.10.1991
სიმაღლე 207 სმ
წონა 95 კგ
პოზიცია ფორვარდი

კარიერა
2008-2010 ვალენსია (ესპანეთი)
2010-2012 შარლერუა
2010-2011 →პეპინსტერი (ბელგია)
2012-2013 ბრუკლინ ნეტსი (NBA)
2012-2014 →სპრინგფილდი (NBDL)
2014 ჩიკაგო ბულსი (NBA)
2014-დან ბასკონია (ესპანეთი)

თუმცა თორნიკესთვის NBA მაინც მომავლის პერსპექტივაა - 2018-19 წლების სეზონში იგი "ბასკონიაში" ითამაშებს. ამ გუნდმა ხომ ევროლიგის ფინალური ოთხეულის მასპინძლობის უფლება მოიპოვა, რაც იმას ნიშნავს, რომ "ბასკონიას" ხელმძღვანელობა კლუბს ერთი ორად გააძლიერებს, რომ შინ ითამაშოს. ამ მიმართულებით ლიდერის, თორნიკე შენგელიას შენარჩუნება ბასკების მთავარი ამოცანა იყო. შეინარჩუნეს კიდეც.

შეგახსენებთ, რომ მისი დამატების სურვილს გამოთქვამდნენ მადრიდის "რეალი", საბერძნთის "ოლიმპიკოსი" და NBA-ს წარმომადგენელი "ფინიქს სანსი", რომელსაც საქართველოს ნაკრების ყოფილი მწვრთნელი იგორ კოკოშკოვი წვრთნის.

შენგელია NBA-ს უბრუნდება?

გასული სეზონი თორნიკესთვის კარიერაში საუკეთესო იყო: ევროლიგაზე საშუალოდ 13.7 ქულას, 6.6 მოხსნასა და 2.2 პასს აგროვებდა. იგი ევროლიგის სიმბოლურ ნაკრებში მოხვდა, რაც არა მხოლოდ კონკრეტული კალათბურთელისთვის, ქართული კალათბურთის ისტორიაში უპრეცედენტო მოვლენაა.
პუბლიკაციის წაკითხვის შემდეგ გაგიჩნდებოდათ შეკითხვა - რას ნიშნავს მეგაკონტრაქტი, რამდენს მიიღებს თორნიკე შენგელია "ბასკონიაში" დარჩენით? ამის შესახებ უცხოური წყაროები არაფერს იუწყებიან.

2789
მკითხველის კომენტარები / 1 /
არჩილი
1
შენგელია ნბა-ში არ უნდა წავიდეს. იქ ძალიან ბევრი კონკურენტია მის პოზიციაზე. ფიზიკურად გაცილებით ძლიერები არიან და აშშ-ში დაშვებული მეტი კონტაქტურობის გამო შესაძლოა ისეთი ტრავმა მიიღოს, საერთოდ ჩამოშორდეს სპორტს. ნუ ადარებთ ფაჩულიას. ზაზა ლიდერი მხოლოდ საქართველოს ნაკრებში იყო, ნბა-ში კი, მით უმეტეს "გოლდენ სტეიტში" მცირე დატვირთვით თამაშობდა. თორნიკე ისეთ პოზიციაზეა, მუდმივად ჩართული უნდა იყოს თამაშში. ამას ის ვერ გაუძლებს. მოკლედ, დარჩეს ევროპაში და ევროლიგასა და საქართველოს ნაკრებში გამოიჩინოს თავი.
არჩილს
0
არჩილ ჩემო ძმაო რომ წერ ფაჩულია მხოლოდ საქართველოს ნაკრებში იყო ლიდერიო, ესეიგი უყურებდი საქართველოს თამაშებს და იმისთვის არ მიგიქცევია ყურადღება რომ ნებისმიერ თამაშში ნებისმიერ ცენტრს როგორც უმკლავდებოდა ვინც არ უნდა ყოფილიყო. კლასი ქონდა და იყენებდა ნებისმიერთან. ბევრი მახსოვს სახელოვანი ნბა ცენტრებს რომ ანადგურებდა ერთი მეორეს მიყოლებით. ეს იმიტომ რომ ნბაში სხვა ფუნქციები ჰქონდა. ერთს გეტყვი და ალაბთ მიხვდები რისი თქმაც მინდა: ბენი უოლასი(დეტროიტ პისტონსი)ისოტრიაში საუკეთესო ცენტრია დაცვის მხრივ მაგრამ საერთოდ მაგზე რამდენად ძლიერები იყვნენ სხვები და ახლაც ხო მეთანხმები? მაგრამ დეტროის პისტონსზში როცა თამაშობდა არც ქულას აგროვებდა ბლომად არც მოხსნები ჰქონდა მაინცდამაინც ბლომად და ბლოკშოტი საშუალო 3.5 მაგრამ თამაშს ვინც უყურებდა გაოგნებული იქნებოდა დაცვაში რეებს შვებოდა ანდა შეტევაშიც უბურთოდ. ასე რომ ნუ ვიტყვით მასე ზაზაზე
10:50 2018.08.03
მსგავსი ამბები
რუბრიკის სხვა სიახლეები
;