[VIDEO] მძიმე შეჯახების შემდეგ თორნიკე შენგელიას ოპერაცია დასჭირდა, ექიმების თქმით...

თორნიკე შენგელიას "ბასკონიამ" კვირას, ესპანეთის ჩემპიონატში "ბურგოსს" უმასპინძლა და 87:79 გაიმარჯვა. 

ვიტორიელთა რიგებში 12 წუთი ითამაშა შენგელიამ. ამ დროში მან 7 ქულა, 1 მოხსნა და 2 პასი მოაგროვა. იგი მოედანზე მეტ დროსაც გაატარებდა, რომ არა ტრავმა:

თოკოს ერთ-ერთ ეპიზოდში თანაგუნდელმა ბურთი ალეი უპისთვის აუგდო, თუმცა მეტოქე უხეშად დაეჯახა და ქართველმა ფორვარდმა მოედანი სახედასისხლიანებულმა დატოვა. მან ცხვირი დაიზიანა.

პირველ დღეს ვერავინ ამბობდა, რამდენად სერიოზული იყო ტრავმა, თუმცა თამაშიდან პირდაპირ ვიტორიას საავადმყოფოში წაიყვანეს და კარგი გაშუქების შემდეგ ექიმებმა დაასკვნეს, რომ ქირურგიული ჩარევის გარეშე არაფერი გამოვიდოდა. ოპერაცია ექიმმა რაფაელ გარსია სარდონმა გაუკეთა. პირველივე ღამით დაკვირვებისთვის თორნიკე ვიტორიის ქირონ სალუდის საავადმყოფოში დატოვეს. 

მეორე დღეს, ორშაბათს გამოწერეს და ისიც უთხრეს, 72 საათის შემდეგ შეგიძლია გუნდსაც შეუერთდეო.

ოღონდ ვარჯიშებსა და თამაშებზე ნიღბის გაკეთება მოუწევს. შეგახსენებთ, რომ თოკომ ამ სეზონში ცხვირის ტრავმის გამო არაერთი მატჩი ითამაშა ნიღბით. ერთ-ერთი ის შეხვედრა იყო, რუსეთში ფარის შუშა რომ ჩამოფშვნა.

ნიღბიანმა შენგელიამ რუსეთში ფარი ჩამოლეწა [VIDEO]

თორნიკეს "ბასკონია" ესპანეთის ჩემპიონატში უახლოეს მატჩს 18 მაისს თად მაკფადენის "ხუვენტუდთან" სტუმრად გამართავს.

ყოველდღიური სპორტული გაზეთი "ლელო"
2786
მკითხველის კომენტარები / 0 /
მსგავსი ამბები
რუბრიკის სხვა სიახლეები
;