თორნიკე შენგელიას 14 ქულა ბასკურ დერბიში

თორნიკე შენგელიას "ბასკონია" ასევე ბასკურ "ბილბაოს" ესტუმრა და 75:79 დამარცხდა. ეს თოკოს გუნდის მესამე მარცხი იყო ამ სეზონში. თუმცა თამაში თავიდან ბოლომდე თანაბარ ბრძოლაში მიმდინარეობდა და გამარჯვებაც რეალური იყო.

ქართველმა ფორვარდმა წარმატებისთვის ძალა არ დაიშურა. მან 30 წუთში 14 ქულა, 2 მოხსნა და თითო ჩაჭრა-პასი მოაგროვა. სროლის სიზუსტე ნამდვილად არ დაეწუნებოდა: 8-დან 5 ორქულიანი, 2-დან 1 სამიანი და 2-დან 1 საჯარიმო.

საინტერესოა, რომ 14 ქულა არა მხოლოდ "ბასკონიაში", მატჩშიც საუკეთესო მაჩვენებელი იყო. ვიცე-ბომბარდირები 13-13 ქულით თორნიკეს გუნდელები დიოპი და ჰენრი გახდნენ, ხოლო "ბილბაოში" 13 ქულა ბალვინს ჰქონდა.

"ბასკონიას" 1 მოგება, 3 წაგება აქვს. მომდევნო მატჩს 20 ოქტომბერს "ბეტისთან" გამართავს.

632
მკითხველის კომენტარები / 0 /
მსგავსი ამბები
რუბრიკის სხვა სიახლეები
;