თორნიკე შენგელიას 15-15 ქულა-მოხსნა ხიმკისთან და... გადარეული რუსი კომენტატორი [VIDEO]

საქართველოს ნაკრების ფორვარდმა თორნიკე შენგელიამ ევროლიგაში ერთ-ერთი ყველაზე ეფექტური მატჩი გამართა. მისმა "ბასკონიამ" რუსულ "ხიმკის" უმასპინძლა და სწორედ ისეთი ანგარიშით დაამარცხა (87:77), როგორითაც საქართველოს ნაკრებმა გერმანიასთან დათმო.

"შენგელიას 15 ქულა, 15 მოხსნა აქვს, მარგი ქმედების კოეფიციენტი 28-ს გაუტოლდა. მას თამამად შეუძლია განაცხადოს ევროლიგის ტურის საუკეთესოობაზე პრეტენზია", - თქვა მატჩის მსვლელობისას რუსმა კომენტატორმა.

გგონიათ მხოლოდ ამით შემოიფარგლა? მართალია, კომენტატორი "ხიმკის" ქომაგობდა, მაგრამ თოკოს მიმართ ყოველი მისი შეტევისას ახალ კომპლიმენტს ამბობდა:

"...შენგელია და დიოპი "ხიმკის" სამწამიანი ზონიდან წნევით დევნიან ჩვენს კალათბურთელებს."

"...ხედავთ, როგორ ითავისუფლებს გზას ქართველი თავდამსხმელი? - გილი ისე გასწია გვერდზე, რომ ფარისკენ დერეფანი ერთიანად გათავისუფლდა. შევიდა და მარტივად ჩააგდო. არადა, გილი სულაც არ არის მსუბუქი."

"...თორნიკემ "ხიმკის" ნახევარი დაცვა მიიწება, გარეთ პასი გასცა და ბობუას სამქულიანი ჩააგდებინა."

"...შენგელია ევროპის ერთ-ერთი ყველაზე საშიში თავდამსხმელია."

ამ "საშიშმა" ფორვარდმა 28 წუთი ითამაშა, 12-დან 6 ორქულიანი, 5-დან 3 საჯარიმო, 15 ქულა ჩააგდო, 3 პასი, 1 ჩაჭრა, 1 დაფარება, 15 მოხსნა მიითვალა.
სხვათა შორის 15 მოხსნა მისი საევროლიგე რეკორდია. აქამდე თოკოს ბურთი 13-ჯერ ჰქონდა მოხსნილი (2017 წლის დეკემბერში ცსკა-სთან).

9362
მკითხველის კომენტარები / 1 /
ნათია
0
ამისთანა რუსული ჩემს დღეში არ მომისმენია. რა დახვეწილი რუსულია.
bujanga
0
წმინდა როსტოვული აქცენტით ბაზრობს
05:51 2018.06.26
მსგავსი ამბები
რუბრიკის სხვა სიახლეები
;