თორნიკე შენგელიას 18 ქულა სტამბოლში

ევროლიგის მორიგ ტურში თორნიკე შენგელიას "ბასკონია" სტამბოლში "ფენერბაჰჩეს" ეწვია. თანაბარ ბრძოლაში გამარჯვება თურქებს დარჩათ (87:80), რომლებიც ამ წარმატებს ფრანგ ნანდო დე კოლოს უნდა უმადლოდნენ. მან ხომ 39 ქულა ჩააგდო.

მეორე მხარეს თორნიკე შენგელია იყო გამორჩეული. მართალია, მას დეკოლოსებრი სტატისტიკა არ ჰქონდა, მაგრამ ბასკების ბომბარდირი გახდა - 18 ქულა ჩააგდო. მისი სრული სტატისტიკა ასეთი იყო:

24 წუთი, 18 ქულა (6/6 ორქულიანი, 3/1 სამიანი, 4/3 საჯარიმო), 4 მოხსნა, 3 პასი, 2 ჩაჭრა, 1 დაფარება. შენგელიას მარგი ქმედების კოეფიციენტი 23-ს გაუტოლდა. დე კოლოს ეს მაჩვენებელი 44 ჰქონდა.

"ბასკონიას" ევროლიგის წლევანდელ გათამაშებაში სამი ტურის შემდეგ ერთი მოგება და ორი წაგება აქვს. შეგახსენებთ, რომ თოკოს გუნდმა ევროლიგა "ჟალგირისის" ძლევით გახსნა, შემდეგ "ხიმკისთან" დამარცხდა... მომდევნო შეხვედრას შინ პირეოსის "ოლიმპიაკოსთან" გამართავს.

ყოველდღიური სპორტული გაზეთი "ლელო"
1749
მკითხველის კომენტარები / 0 /
მსგავსი ამბები
რუბრიკის სხვა სიახლეები
;