თორნიკე შენგელია ესპანურ სუპერთასზე, ბარსა-რეალის წინააღმდეგ

თორნიკე შენგელიასა და მეტ ჯენინგის "ბასკონიამ" ესპანეთის სუპერთასის ფინალში ითამაშა, მადრიდის "რეალს" დაუპირისპირდა და 73:80 დამარცხდა. მანამდე იყო 1/2 ფინალი "ბარსელონასთან", რომელიც ბასკებმა დაძაბულ ბრძოლაში – 79:76 მოიგეს.

მეორე წელია, ესპანეთის სუპერთასი განსხვავებული ფორმატით იმართება. მასში გასული სეზონის საუკეთესო 4 გუნდი მონაწილეობს. ფინალისტები – "რეალი", "ბასკონია" და ნახევარფინალისტები – "ბარსელონა" და "ობრადორიო".

სუპერთასის მინი-ტურნირი ესპანეთის ქალაქ კომპოსტელაში მიმდინარეობს.

ბარსა

2018-2019 წლების სეზონის პირველი ტიტულისთვის ეს გუნდები ნახევარფინალში დაწყვილდნენ. "რეალმა" "ობრადორიოს" იოლად – 81:61 სძლია, ხოლო ბასკონიელებმა "ბარსას" 3 ქულით – 79:76 მოუგეს.

თორნიკე შენგელია კატალონიელებთან თამაშში სათადარიგოთა სკამიდან ჩაერთო და 15 წუთში 7 ქულა, 4 მოხსნა და 2 პასი მოაგროვა, ამასთან, 5 ქულა გადამწყვეტ წუთებში მიითვალა.

თოკომ 3-დან 1 ორქულიანი, სამქულიანი და 4-დან 2 საჯარიმო გამოიყენა.

რაც შეეხება საქართველოს ნაკრების ნატურალიზებულ ამერიკელ კალათბურთელ მეტ ჯენინგს, მან 27 წუთში 6-დან 2 სამქულიანი ჩააგდო და 6 ქულა, 2 მოხსნა და 1 პასი მოაგროვა.

საინტერესოა, რომ ბასკური კლუბი კატალონიურს 20 ქულის სხვაობით ამარცხებდა და მართალია, "ბარსამ" ჩამორჩენა ქულამდე დაიყვანა, საბოლოოდ, მაინც შენგელიას კლუბმა იმარჯვა.

რეალი

ფინალი 22 სექტემბერს გაიმართა. როგორც მოგახსენეთ, "რეალი" "ბასკონიას" დაუპირისპირდა. საწყისი სამი მეოთხედის ანგარიშები ნათელ წარმოდგენას გვაძლევს თამაშზე - სამივე შემთხვევაში სხვაობა მხოლოდ ერთი ქულა იყო: 20:21, 22:23, 19:18.

მეოთხე რაუნდს ბასკები მინიმალური უპირატესობით შეხვდნენ, თუმცა გადამწყვეტ მომენტში მადრიდელებმა იძალეს და 80:73 გაიმარჯვეს.

მატჩის ბომბარდირი 15 ქულით რეალელი სერხიო ლული გახდა. ბასკებში ყველაზე მეტი, 14 ქულა შეივონ შილდსმა ჩააგდო, ხოლო თორნიკე შენგელიას მონაგარი ასეთი იყო: 17 წუთი, 12 ქულა, 3 მოხსნა, 1 პასი. მან 5 ორქულიანი და 4-4 ორიან-საჯარიმო სტყორცნა, საიდანაც ორ-ორი გამოიყენა.

მეტ ჯენინგმა 18 წუთში მხოლოდ 2 ქულა და 3 პასი მოინაგრა.

914
მკითხველის კომენტარები / 1 /
სოსო
0
თორნიკემ ორი სამქულიანიც ჩააგდო.კარგად მახსოვს.
მსგავსი ამბები
რუბრიკის სხვა სიახლეები
;