...თურმე, რატომ არ ათამაშებენ ანანიძეს

თვეზე მეტია, ჯანო ანანიძემ ტრავმა მოირჩინა და მოსკოვის "სპარტაკთან" ერთად სრული დატვირთვით ვარჯიშობს. მაგრამ საქართველოს ნაკრების ერთ-ერთ ლიდერს "სახალხო გუნდში" სათამაშო პრაქტიკა არ აქვს - არც რუსეთის პრემიერლიგაში თამაშობს და არც ევროსარბიელზე.

"სპარტაკის" ახალმა მწვრთნელმა ოლეგ კონონოვმა ტელეკომპანია "როსიასთან" მიცემულ ინტერვიუში ანანიძეზეც ილაპარაკა:

"ჯანოს რაც შეეხება, ის გუნდთან ერთად ვარჯიშობს და თან ბევრსაც ვარჯიშობს. სასურველია, რომ მოთამაშემ ვარჯიშზე საკუთარი შესაძლებლობები საუკეთესო კუთხით წარმოაჩინოს. სწორედ ამ დროს მიყალიბდება აზრი ძირითად შემადგენლობასა და სათადარიგოებზე. ფეხბურთელებმა ყველაფერი ვარჯიშის დროს უნდა დაამტკიცონ და კონკრეტულ  მომენტში საუკეთესოები იყვნენ. მათი შეცდომა ის არის, რომ სულ იხსენებენ, წარსულში როგორ თამაშობდნენ. ამიტომ ვერ ხვდებიან, ახლა რატომ არ თამაშობენ. ეს არის მათ პრობლემა", - ამბობს ოლეგ კონონოვი.

ბოლო პერიოდში ხშირად იწერება, რომ 27 წლის ანანიძე ზამთარში გუნდს დატოვებს. რამდენად რეალურია ეს, ამაზე კონონოვის პასუხიც ირიბად მიანიშნებს. იქნებ, ჯანო მართლა მოშორდეს ამ "ჯადო-კლუბს", რომელმაც მისი არაერთი ტრანსფერი დაბლოკა.

1305
მკითხველის კომენტარები / 0 /
მსგავსი ამბები
რუბრიკის სხვა სიახლეები