თუშიშვილი, სანებლიძე, ბექაური, ახალკაცი - ოთხი ქართველი ფინალში

კლუჟის ღია პირველობაზე შედეგიანო გამოდგა ბოლო დღე. მართალია, ჯერ არც ერთ წონაში ბრძოლები არ დასრულებულა, მაგრამ უკვე წარმატებულად შეიძლება ჩაითვალოს: სამ წონაში სამი ქართველი გავიდა ფინალში.

100+ წონით კატეგორიაში მსოფლიოს ჩემპიონმა გურამ თუშიშვილმა ეფექტურად განვლო შეჯიბრება, ერთმანეთის მიყოლებით დაამარცხა რუმინელი კონცი, უკრაინელი პანკო და ფინალში  რუმინელ კროიტორუს შეხვდება.

100- კილოში ონისე სანებლიძე გამოდის წარმატებით. ისიც მეორე ეტაპიდან ჩაერთო, ჯერ რუმინელ ვასიანს სძლია, მას ჰოლანდიელი ანსაჰი მიაყოლა, ხოლო 1/2 ფინალში უნგრელი ოჰატი ჩამოიშორა გზიდან. ფიმალში ონისეს მოწინააღმდეგე რუმინელი ჩირჟენიქსია.

90 კგ-მდე წონით კატეორიაში იმედა გოგოლაძემ ორი ბრძოლა მოიგო. ესპანელი საბატერ ბრაუ და ფრანგი ავსტრიელი შნაიდერი გააკრა ტატამს, თუმცა ბელგიელ ბიტოსთან ნახევარფინალში გადამსვლელი წააგო. სწორედ ამ ბელგიელს შეხვდება ფინალში ლაშა ბექაური, რომელსაც თანაგუნდელის ძლევისთვის რევანშის კარგი შანსი აქვს.

თავის მხრივ, ლაშა ბექაურმა ერთმანეთს მიაწყო მარკონჩინი (იტალია), მაკუხა (უკრაინა)და სტიუარტი (დიდი ბრიტანეთი).

81 კგ წონაში თანამემამულეების მსგავსად შეუჩერებელია ვლადიმერ ახალკაცი. აი, მისი მსხვერპლების ჩამონათვალი: კონარისი (კვიპროსი), ჟუსკო (უკრაინა), ალვეში (პორტუგალია). ფინალში ახალკაცის მოწინააღმდეგეა ბრიტანელი მაკვატი.

1298
მკითხველის კომენტარები / 0 /
მსგავსი ამბები
რუბრიკის სხვა სიახლეები
;