თუ ლოპეტეგი 'ბარსასთან' წააგებს...

მადრიდული ას-ის ცნობით, ძალიან დიდი შანსია, "რეალის" ხელმძღვანელობამ კარისკენ მიუთითოს გუნდის მთავარ მწვრთნელ ხულიენ ლოპეტეგის.

ეს იმ შემთხვევაში მოხდება, თუ "სამეფო კლუბი" ლა ლიგის მე-10 ტურის შეხვედრაში "ბარსელონასთან" ზეპრინციპულ დაპირისპირებაში დამარცხდება.

"ელ კლასიკოს" შედეგი ნებისმიერი მწვრთნელისთვის ნებისმიერ ეპოქასა თუ სიტუაციაში ყოფილა გადამწყვეტი. გასაკვირი არ არის, თუ ლოპეტეგისთვისაც ეს იქნება საზომი, მიუხედავად იმისა, რომ მისთვის ეს პირველი "კლასიკოა". მატჩი 28 ოქტომბერს, "ნოუ კამპზე" შედგება.

ზოგადად, როგორც გაზეთი წერს და ისედაც ნათელია, ლოპეტეგის პოზიციები ძალიან შერყეულია მას მერე, რაც "რეალმა" ზედიზედ 4 მატჩი (ჩემპიონთა ლიგის ჩათვლით) ვერ მოიგო და ამ ოთხ მატჩში ერთი გოლიც ვერ გაიტანა. სხვათა შორის, ას "რეალისადმი" ლოიალური გამოცემაა და იქაურ კულუარულ ამბებშიც კარგად არის ჩახედული.

ლოპეტეგის შემცვლელთა შორის ასახელებენ ანტონიო კონტეს, ვინც ამჟამად უმუშევარია და სიამოვნებით განიხილავს შეთავაზებას.

ყოველდღიური სპორტული გაზეთი "ლელო"
352
მკითხველის კომენტარები / 0 /
მსგავსი ამბები
რუბრიკის სხვა სიახლეები