თ/ჭ. ყაზახეთის ტურნირი: ზურაბ იაკობიშვილი ყაზახეთში დაბრუნდა

თავისუფალი სტილით მოჭიდავეთა ნაკრების სათადარიგო შემადგენლობა ყაზახეთის ქალაქ თარაზში დინმუხამედ კუნაევის ტრადიციულ საერთაშორისო მემორიალში მონაწილეობდა და 3 მედალიც მოიპოვა: 1 ვერცხლი და 2 ბრინჯაო.

ტურნირის ვიცე-ჩემპიონი ევროპისა და მსოფლიოს მესამე პრიზიორი სანდრო ამინაშვილი გახდა 86 კილოგრამში, ვინც გადამწყვეტი პაექრობა მასპინძელ ადილეტ დავლანბაევთან დათმო.

მესამეზე ზურაბ იაკობიშვილი (70) და გიორგი მეშვილდიშვილი (125) გავიდნენ.

საქართველომ ტურნირზე ოქროს მედალი ვერ მოიპოვა, თუმცა კვარცხლბეკის უმაღლესი საფეხური ქართველის გარეშე მაინც არ დარჩენილა, მაგრამ მას ამჯერად უზბეკეთის დროშა უმშვენებდა ზურგს: მძიმე წონაში სწორედ ამ შუა აზიური ქვეყნის სახელით გაიმარჯვა ჩვენმა ოლიმპიადის ვიცე-ჩემპიონმა დავით მოძმანაშვილმა.

ეს ტურნირი ჩვენთვის მნიშვნელოვანი იმით გამოდგა, მსოფლიოს ჩემპიონატის შემდეგ პირველად იჭიდავა მსოფლიოს ჩემპიონმა იაკობიშვილმა. თანაც - ახალ წონაში. მსოფლიოს შემდეგ ის ერთხანს ისვენებდა, მერე ოპერაციაც გაიკეთა და აქამდე სატურნირო პრაქტიკა არ ჰქონია.

ყოველდღიური სპორტული გაზეთი "ლელო"
1586
მკითხველის კომენტარები / 0 /
მსგავსი ამბები
რუბრიკის სხვა სიახლეები
;