იაპონიაში, ძიგარო კანოზე შავდათუაშვილი, ჭრიკიშვილი, ლიპარტელიანი და ღვინიაშვილი იჭიდავებენ

22-24 ნოემბერს იაპონურ ოსაკაში ძიუდოისტთა სეზონის ერთ-ერთი უმნიშვნელოვანესი ტურნირი - იაპონიის "დიდი მუზარადი" ტარდება, რომელიც იგივე ზიგორო კანოს მემორიალია და მუდამ გამოირჩევა თავისი სოლიდური შემადგენლობით.

წლეულს იქ საქართველოს ძიუდოისტთა ნაკრები მხოლოდ 4-კაციანი გუნდით გამოვა, რადგან მათ მალევე - დაახლოებით ორ კვირაში კვლავ ელოდებათ მნიშვნელოვანი შეჯიბრება და ისევ აზიაში: 12-14 დეკემბერს ჩინურ ქინგდაოში მსოფლიოს მასტერსი ტარდება.

ორივე შეჯიბრება საკმაოდ ძვირადღირებულია მეტისმეტი დაშორების გამო, სეზონის მიწურულს კი ფედერაციას ბიუჯეტი თითქმის გახარჯული აქვს ხოლმე. ამიტომ აგზავნიან იაპონიაში მხოლოდ 4 სპორტსმენს: ლაშა შავდათუაშვილი (73), ბექა ღვინიაშვილი, ავთანდილ ჭრიკიშვილი (ორივე - 90) და ვალერი ლიპარტელიანი (100).

ისინი იქ ტურნირის შემდეგ გასამართ ხუთდღიან ერთობლივ ვარჯიშებზეც დარჩებიან, თუმცა, შესაძლოა, მერეც გააგრძელონ შეკრება და იქიდან გადავიდნენ ჩინეთში მასტერსზე, ოღონდ ეს საკითხი ჯერ კიდევ არაა ბოლომდე გადაწყვეტილი.

6963
მკითხველის კომენტარები / 0 /
მსგავსი ამბები
რუბრიკის სხვა სიახლეები
;