იბერიული დერბი: მე-20 საიუბილეო ესპანეთთან - ვინ უფრო ლომია?

საქართველოს ნაკრები კვირას, „ავჭალის სარაგბო სტადიონზე“ რაგბი ევროპის ჩემპიონატის მეორე ტურის მატჩში ესპანეთის ნაკრებს უმასპინძლებს. „ბორჯღალოსნების“ საბრძოლო რაზმი დღეს საღამოს გაცხადდება. ხვალ კი, კაპიტნის ვარჯიში გაიმართება.

საქართველოს ნაკრები ესპანელ „ლომებს“ ისტორიაში მეოცედ დაუპირისპირდება. პირველი შეხვედრა 19 წლის წინათ გაიმართა და მაშინ მეტოქემ მადრიდში 36:32 მოგვიგო. 2004 წელს ტარაგონაში ესპანელებთან ფრეს დავჯერდით - 6:6. 2007 წელს მადრიდში ესპანეთმა ყველაზე დიდი სხვაობით 31:17 დაგვამარცხა. ბოლოს „ლომებმა“ 2012 წელს, ასევე მადრიდში მოგვიგეს მილტონ ჰეიგის სადებიუტო შეხვედრაში - 25:18.

სხვა 15 შეხვედრაში გამარჯვება „ბორჯღალოსნებს“ დარჩათ და აქედან 10-ჯერ საქართველოში ჩატარებულ ყველა შეხვედრაში. მეტოქეს ყველაზე დიდი სხვაობით 2011 წელს ვძლიეთ 60:0 და მაშინ ერთ თამაშში ყველაზე ბევრი, 9 ლელო გავიტანეთ. 2013 წელს „ლომებთან“ ყველაზე მეტი, 61 ქულა ავიღეთ და 61:18 დავამარცხეთ. სულ გავუტანეთ 80 ლელო და მივიღეთ 29, ხოლო ქულათა თანაფარდობა 590/280-ზეა. შარშან მათ ვაკის სტადიონზე ვეთამაშეთ და 23:10 დავამარცხეთ.

„ბორჯღალოსნების“ ახლაზელანდიელი თავკაცი ექსპერიმენტებს განაგრძობს:
„ამაყი ვარ ჩვენი ახალგაზრდა მორაგბეებით. რუმინეთში ჩახვიდე და ახალგაზრდული შემადგენლობით მათ ნაკრებს მოუგო, იოლი არ არის. ჩვენმა მორაგბეებმა თავი საუკეთესო კუთხით წარმოაჩინეს. მათ მომავალშიც მივცემთ თავის გამოჩენის შანსს. ძირითადის მოთამაშემ ტრავმა რომ მიიღოს, ხომ უნდა ვიცოდეთ, ვინ არის მისი სრულფასოვანი შემცვლელი“ - თქვა მან.

ესპანელებმა პირველ ტურში შინ დაამარცხეს რუსეთის ნაკრები 16:14, რომელიც „ბორჯღალოსნების“ მსგავსად, მსოფლიოს თასზე საასპარეზოდ ემზადება.
შეგახსენებთ, რომ მატჩი „ავჭალის სარაგბო სტადიონზე“ კვირას, 17 თებერვალს 18 საათზე დაიწყება.

საქართველოს ნაკრები
პირველი ხაზი: გურამ გოგიჩაშვილი (რასინგი), თორნიკე მატარაძე (ნევერი), შალვა მამუკაშვილი (ენისეი), გიორგი ჭყოიძე (ლელო), ვანო კარკაძე (ორიაკი), ლევან ჩილაჩავა (მონპელიე), ბექა გიგაშვილი (გრენობლი), გიორგი მელიქიძე (სტად ფრანსე)
მეორე ხაზი: გიორგი ნემსაძე (ოსფრიზი), დავით გიგაური (ბუქარესტი), ნოდარ ჭეიშვილი (კორნიშ პირატსი), გრიგორ ქერდიყოშვილი (ლელო)
მესამე ხაზი: გიორგი თხილაიშვილი (ბათუმი), გიორგი ცუცქირიძე (ორიაკი), ბექა გორგაძე (ბორდო), ბექა საღინაძე (ორიაკი), გიორგი ჯავახია (ორიაკი)
№9: ვასილ ლობჟანიძე (ბრივი), გელა აფრასიძე (მონპელიე), გიორგი ბეგაძე (ლოკომოტივი)
№10: თედო აბჟანდაძე (აია), ლაშა მალაღურაძე (ვვა)
№12-13: მერაბ შარიქაძე (ორიაკი), გიორგი კვესელაძე (არმაზი), ზურაბ ძნელაძე (ლოკომოტივი)
№11-14: ალექსანდრე თოდუა (ბათუმი), გიორგი აფციაური (ლოკომოტივი), გიორგი კოშაძე (ხარები)
№15: ლაშა ხმალაძე (ბათუმი), მირიან მოდებაძე (აია)

ესპანეთის ნაკრები
პირველი ხაზი: ფერნანდო ლოპესი (ორდისია), ხოაკინ დომინგესი (ინდერპენდიენტე), ვინსენ დელ ჰოიო (ელ სალვადორი), სტივენ ბარნსი (ვალენსია), ხერომ სივილი (აჟენი), ხუან საბალა (ბაიონი)
მეორე ხაზი: მიქაელ დე მარკო (აჟენი), იენ ასკროფტ-ლეიჩი (აპარეხადორეს), დანიელ ბარანკო (სანტ კუგატი), ვიქტორ სანჩესი (ელ სალვადორი), მანულ მორა (ინდერპენდიენტე)
მესამე ხაზი: ოიერ გოია (ორდისია), ლუკას გიომი (ელ სალვადორი), მაიკლ ჰოგი (ბარსელონა), მაიკლ ვოლკერ-ფიტონი (ელ სალვადორი), ხუან პაბლო (აპარეხადორესი)
№9: ლუკას რუბიო (აჟენი), ფაკუნდო მუნილა (ალკობენდასი)
№10: ენდრიუ ნორთონი (კისენეროსი), ალვარო ხიმენო (ვალენსია)
№12-13: დიეგო გარსია (ალკობენდასი), ანდრეა რაბახო (დიჟონი), რიჩარდ სტიუარტი (კისენეროსი)
№11-14: ფედერიკო კასტელიონი (ვალენსია), ხულენ გოია (ორდისია), ხორდი ხორბა (პერპინიანი), გილერმო დომინგესი (კისენეროსი), მაურისო ლონდონო (ალკობენდასი)
№15: არტიომ კოვალენკო (ბარსელონა), ლუკას ლევი (კობერე)

თ მ ფ წ ბ ქ(ს)
1. საქართველო 1 1 0 0 +9 4(0)
2. ბელგია 1 1 0 0 +7 4(0)
3. ესპანეთი 1 1 0 0 +2 4(0)
4. რუსეთი 1 0 0 1 -2 1(1)
5. გერმანია 1 0 0 1 -7 0(0)
6. რუმინეთი 1 0 0 1 -9 0(0)

II ტური

16 თებერვალი
რუმინეთი-გერმანია
რუსეთი-ბელგია

17 თებერვალი
საქართველო-ესპანეთი

ყოველდღიური სპორტული გაზეთი "ლელო"
957
მკითხველის კომენტარები / 0 /
მსგავსი ამბები
რუბრიკის სხვა სიახლეები
;