იგორ კოკოშკოვმა საქართველოსთან სათამაშოდ ტეოდოშიჩსა და რადულიცას უხმო

საქართველოს ნაკრები ევრობასკეტი 2021-ის შესარჩევ ეტაპზე პირველ მატჩს 20 თებერვალს თბილისში შვეიცარიის წინააღმდეგ გამართავს. 23-ში კი სერბეთში გაემგზავრება და ადგილობრივ ნაკრებს დაეჭიდება.

შეგახსენებთ, რომ სერბეთის ეროვნული გუნდის თავკაცად საქართველოში ნამუშევარი იგორ კოკოშკოვი დაინიშნა, რომელმაც ჩვენს წინააღმდეგ სათამაშოდ გამოცდილ შემადგენლობას უხმო. მართალია, ევროლიგასა და ფიბას შორის გაურკვევლობის გამო ევროლიგის კლუბებში მოასპარეზე კალათბურთელები ამ ფანჯარაში ნაკრებში ვერ ითამაშებენ, მაგრამ კოკოშკოვს მათ გარეშეც მშვენიერი შემადგენლობა ეყოლება.

სლავების ნაკრებში ითამაშებენ NBA-მოვლილები მილოშ ტეოდოშიჩი და მიროსლავ რადულიცა. ეს უკანასკნელი ზაზა ფაჩულიასთან ერთად "მილუოკიში" თამაშობდა, ხოლო ტეოდოშიჩი გასულ კვირას გიორგი შერმადინმა დაამარცხა საკონტინენტთაშორისო თასის ფინალში.

გთავაზობთ სერბების 15-კაციან შემადგენობას:

მილოშ ტეოდოშიჩი (ვირტუსი, იტალია), მიროსლავ რადულიცა (დრაგონსი, ჩინეთი), ნიკოლა რებიჩი (ენისეი, რუსეთი), დეიან ტოდოროვიჩი (ანდორა, ესპანეთის ლიგა), ალეკსა ავრამოვიჩი (ესტუდიანტეს, ესპანეთი), მარკო სიმონოვიჩი (ცედევიტა ოლიმპია, სლოვენია), დეიან კრავიჩი (ობრადარიო, ესპანეთი), დალიბორ ილიჩი (იგოკეა, ბოსნია და ჰერცოგოვინა), ოგნიენ იარამაზი (პარტიზანი), უროშ ტრიფუნოვიჩი (პარტიზანი, სერბეთი), რადე ზაგორაცი (პარტიზანი, სერბეთი), ნოვიცა ველიჩკოვიჩი (პარტიზანი, სერბეთი), ალეკსა რადანოვი (რაბოტნიჩკი, სერბეთი), სტეფან ჯორჯევიჩი (რაბოტნიჩკი, სერბეთი), ოგნიენ დობრიჩი (ცრვენა ზვეზდა, სერბეთი).

ევრობასკეტი 2021. ილიას ზუროსმა შვეიცარიასა და სერბეთთან მატჩებისთვის შემადგენლობა დაასახელა

796
მკითხველის კომენტარები / 0 /
მსგავსი ამბები
რუბრიკის სხვა სიახლეები
;