ივან რაკიტიჩის LoveStory. როგორ მოიყვანა "ბარსას" ვარსკვლავმა ცოლად ოფიციანტი

ხორვატმა ფეხბურთელმა ივან რაკიტიჩმა "შალკეში" თამაშისას, "სევილიას" მიერ მისადმი გამოჩენილი ინტერესი დააკმაყოფილა და 2011 წელს ამ კლუბთან კონტრაქტს მოაწერა ხელი. ხელშეკრულებაზე ხელის მოწერის წინა საღამოს ის და მისი ძმა სევილიის ერთ-ერთ სასტუმროში გაჩერდნენ, ხორვატს დილით სამედიცინო შემოწმება უნდა გაევლო და შემდეგ თავის ბედს უახლოეს რამდენიმე წელიწადს ამ კლუბს დაუკავშირებდა.

ეს არის სიყვარულის ისტორია? რატომ არ მიჰყვება ესპანელი მომღერალი დავიდ დე ხეას მანჩესტერში?

საბოლოო გადაწყვეტილების მიღებამდე ფეხბურთელს ჯერ კიდევ ჰქონდა დრო მოსაფიქრებლად, რადგან სატრანსფერო ფანჯრის დახურვამდე ოთხი დღე რჩებოდა. ივანი ღელავდა და ცხადია არა უმიზეზოდ. ერთი, რომ არჩევანს აკეთებდა იმაზე, თუ სად უნდა ეთამაშა მომავალში და შესაბამისად საკუთარი კარიერის მნიშვნელოვანი ეტაპი ედგა, თანაც სხვა ცნობილი კლუბიდანაც დაურეკეს და შესთავაზეს მათივე თვითმფრინავის საშუალებით სევილიიდან სწორედ ამ სხვა ქალაქში ჩასვლა და მათთან კონტრაქტის მყისვე გაფორმება.

რაკიტიჩები საღამოს, სასტუმროდან ახლომდებარე ბარში წავიდნენ ყავის დასალევად. ძმებს ყავა ოფიციანტმა რაქელ მაურიმ მიართვა. ოფიციანტის ვინაობა თითქოსდა ნაკლებად უნდა იყოს საინტერესო, მაგრამ საქმე იმაშია, რომ გოგონა ხორვატ ფეხბურთელს ერთი ნახვით შეუყვარდა.

ბარიდან გამოსვლისას ივანს მისმა ძმამ შესთავაზა, რომ კიდევ ერთხელ დაფიქრებულიყო, ხომ არ ჯობდა იმ მეორე კლუბთან ხელშეკრულების გაფორმება?

"არა, მე სიტყვა მივეცი სევილიას პრეზიდენტს. ამიტომ, ვაპირებ ხვალ კონტრაქტი გავფორმო "სევილიასთან"... და ასევე ვაპირებ რომ ცოლად მოვიყვანო ის ოფიციანტი, წეღან რომ ყავა მოგვიტანა" - იყო ივანის პასუხი.

მეტადრე მეორე დანაპირების გამო ივანმა ცხადია თავისი ძმა იმ წუთში პირდაფჩენილი დატოვა, მაგრამ მთავარი ისაა, რომ მან ორივე განზრახვა პირნათლად შეასრულა.

სხვათაშორის, ოფიციანტთან სრულყოფილ კომუნიკაციაში ენის ბარიერი უშლიდა ხელს ხორვატ ფეხბურთელს. თუმცა რა გასაკვირია, რომ კაცმა, რომელმაც აქამდე 5 ენა უკვე იცოდა (გერმანული, იტალიური, ინგლისური, ფრანგული და ცხადია ხორვატული) ესპანურიც მალევე ისწავლა და ეს ბარიერიც წარმატებით გადალახა.

შაკირასა და პიკეს LoveStry... ვის უმალავდა წყვილი ურთიერთობას? [PHOTO]

რაკიტიჩმა ამავე სასტუმროში იცხოვრა მომდევნო სამი თვე უკვე "სევილიას" ფეხბურთელის ამპლუაში. თითქმის არ გადიოდა დღე, რომ ბარში არ ჩასულიყო ყავის და ფორთოხლის წვენის შესაკვეთად. ხოლო თუ მის მომსახურებას სხვა ოფიციანტი გადაწყვეტდა, ფეხბურთელი სთხოვდა რომ შეკვეთილი მასთან სწორედ რაქელს მოეტანა. ნაცნობობის პირველ ეტაპზე "სევილიას" შუახაზელი ხშირად ამაოდ ეპატიჟებოდა ოფიციანტს სასეირნოდ, რადგან გოგონა მუდამ მოუცლელობას იმიზეზებდა და თავს არიდებდა რაკიტიჩთან ბარს მიღმა ურთიერთობის დაწყებას. ერთხელაც ივანმა რაქელს დასვენების დღეს მიაკითხა, მიიჭრა ბართან და გოგონას უთხრა რომ რადგან გამოსასვლელი დღე იყო მასთან ერთად ვახშამზე უარს ნამდვილად ვერ იტყოდა უარს!

რაქელი დათანხმდა.

აქედან მოყოლებული, წყვილი კიდევ უფრო დაახლოვდა. რაკიტიჩმა კი მოგვიანებით მათი სიყვარულის ისტორიას ჰოლივუდისთვის სცენარისთვის ზედგამოჭრილი უწოდა.

საინტერესოა, რომ გოგონას ოჯახი "სევილიას" თავგადაკლული ქომაგი აღმოჩნდა. მეტადრე პაპას ჰქონდა ამ კლუბის ფანობაზე თავი გადადებული. სტადიონზე ხომ მათ მატჩს არ ტოვებდა, მხოლოდ "სევილიას" გულშემატკივრებთან მეგობრობდა და ერთხელ, როდესაც ჯანმრთელობის პრობლემის გამო საავადმყოფოში მოხვდა და მედიკოსები მის საოპერაციოდ მომზადებას შეუდგნენ, კაცმა ხელიდან "სევილიას" საათის მოხსნაზე კატეგორიული უარი განაცხადა. "რაც გინდა ქენით, მაგრამ ეს საათი ხელზე უნდა მეკეთოს" - თქვა მან.

რაკიტიჩი "სევილიაში" ასპარეზობით სამი წელიწადი ახარებდა რაქელის ოჯახს და განსაკუთრებით პაპას, მაგრამ "ბარსელონას" შეთავაზებაზე აბა როგორ იტყოდა უარს?!

სიმეონეს LoveStory. ჩოლოს მოტივატორები: 16 წლით უმცროსი კარლა და მოდელი კაროლინა

თუმცა კატალონიაში იგი 2014 წელს გადაბარგდა. ხორვატის ურთიერთობა მაურისთან კი იქამდე, კერძოდ 2013 წლის აპრილში უკვე გამყარებული იყო ქორწინებით.

რაქელს და ივანს ქორწილიც ორიგინალური ჰქონდათ. ცერემონიაზე ნეფე "როლს როისით", პატარძალი კი კარეტით მივიდა. რაქელი ამ დროს უკვე ორსული გახლდათ და საქორწინო მოგზაურობაში ახალშეუღლებულები ფაქტობრივად მუცელში მყოფ შვილთან ერთად წავიდნენ. სამ თვეში კი წყვილს ქალიშვილი შეეძინა.

"ბარსელონას" ვარსკვლავი, თავის რაქელთან ერთად მყარად დგას ფეხზე - ტიტულები მას არ აკლია და ოჯახური ბედნიერება.

28794
მკითხველის კომენტარები / 1 /
pretoria
5
რამ გადარია ეს ჩემისა ამ ქალზე?
rasa
0
ეტზოტიკური ანდალუზიელი ქალი ევასა
14:28 2019.10.14
მსგავსი ამბები
რუბრიკის სხვა სიახლეები
;