იკარდისთვის ბაიერნიც იბრძოლებს

"ბაიერნის" ხელმძღვანელობა დაინტერესებას იჩენს "ინტერის" ფორვარდ მაურო იკარდით, - წერს გამოცემა Kicker.

გერმანული გრანდი 24 წლის არგენტინელი ფორვარდისთვის "მანჩესტერ იუნაიტედს", "პარი სენ-ჟერმენსა" და "რეალს" შეებრძოლება.

მიუნხენელები მზად არიან, ფორვარდს შესთავაზონ ხელფასი - 7.5 მილიონი ევრო წელიწადში, თუმცა, ფეხბურთელს იმედი აქვს, რომ ბონუსების გაუთვალისწინებლად, 10 მილიონ ევროს მიიღებს.

ამ ყველაფრის პარალელურად, "ინტერი" ცდილობს, მოელაპარაკოს იკარდის ახალ კონტრაქტზე. მიმდინარე ხელშეკრულება 2021 წლის ზაფხულამდეა ძალაში.

ირკვევა, რომ "ინტერთან" მოქმედ კონტრაქტში ფეხბურთელს უწერია ფიქსირებული გასაყიდი თანხა - 110 მილიონი ევრო.

არგენტინელი მილანურ კლუბში 2013 წლიდან გამოდის. ამ დროის განმავლობაში, მან მონაწილეობა მიიღო 170 მატჩში და გაიტანა 96 გოლი.

ყოველდღიური სპორტული გაზეთი "ლელო"
857
მკითხველის კომენტარები / 0 /
მსგავსი ამბები
რუბრიკის სხვა სიახლეები
;