ილიას ზუროსი: ვიცით, ლებრონ ჯეიმსი არ ჩამოვიყვანეთ, მაგრამ მთავარია - მაკფადენი ძალიან მონდომებულია

საქართველოს ნაკრების მთავარმა მწვრთნელმა ილიას ზუროსმა კალათბურთის ფედერაციაში პრესკონფერენცია გამართა. მან ისაუბრა ეროვნული ნაკრების ახალწვეულებზე, ნატურალიზებულზე, ახალგაზრდებზე...

- საქართველოს ნაკრებმა მსოფლიოს ჩემპიონატის პირველი საკვალიფიკაციოს ბოლო ორი მატჩისთვის მზადება 11 ივნისს დაიწყო. შემადგენლობა მრავალფეროვანია, გვყავს ის კალათბურთელები, რომლებიც ევროლიგისა და ფიბა-ს შეუთახმებლობის გამო საწყის ოთხ შეხვედრაში ვერ დაგვეხმარნენ - თორნიკე შენგელია და გიორგი შერმადინი. ასევე გვყავს ახალი ამერიკელი და ბევრი ნიჭიერი ახალგაზრდა, რომლების გუნდთან შერწყმაზე საკვალიფიკაციოს პირველ და მეორე ფანჯრებში ვზრუნადით. დაგვიბრუნდნენ ტრავმირებულებიც, გუნდთან ერთად ვარჯიშობენ გიორგი ცინცაძე და დუდა სანაძე.

- ჩემი პრინციპი ასეთია: ჯერ კალათბურთელების ჯანმრთელობაზე ვზრუნავ, შემდეგ - შედეგზე. მოხარული ვარ, რომ ტრავმების მოშუშების შემდეგ ისინი მზად არიან ნაკრებს ბოლომდე დაეხმარნონ. მათ უყვართ ეროვნული გუნდი. 

- ტრავმირებულების არყოფნაში შანსი მივეცით საქართველოს ჩემპიონატის კალათბურთელებს. მათ თავი საუკეთესო კუთხით წარმოაჩინეს. ვლაპარაკობთ გიორგი ცინცაძისა და დუდა სანაძის ტრავმებზე, მათ არყოფნაში უკანა ხაზში ძალიან კარგი შთაბეჭდილება დატოვა მერაბ ბოქოლიშვილმა. მნიშვნელოვანია, რომ სუპერლიგისა და ახალგაზრდა კალათბურთელებმა წინა ორ სანაკრებო ფანჯრისას დიდი გამოცდილება მიიღეს, რას სადღეისოდ და სამომავლოდ აუცილებლად გამოადგებათ. მათ ხომ მაღალი დონის სერბეთისა და გერმანიის წინააღმდეგ უწევდათ თამაში.

რა მოხდა ავსტრიაში? - გამარჯვების 7 მიზეზი [VIDEO]

- სამწუხაროა, რომ ამჯერადაც ვერ დაგვეხმარება ბექა ბურჯანაძე. იგი რეაბილიტაციას 9 ივლისს ამთავრებს. ფორმაში შესვლისთვის და კონდიციების აღდგენისთვის კი დრო სჭირდება. მომავალ მატჩებში მისი დიდი იმედი გვაქვს.

- 22 და 23 ივნისს საქართველოს ნაკრებს ორი საკონტროლო მატჩი აქვს, პრაღაში ჩეხეთის ნაკრების წინააღმდეგ ვითამაშებთ. ამ შეხვედრების შედეგებს დიდ მნიშვნელობას არ ვანიჭებ, მთავარია, სერბეთთან და ავსტრიასთან დაპირიპირებებისთვის სათანადოდ მოვემზადოთ.

- ჩეხეთში ვერ ითამაშებს თორნიკე შენგელია, რომელიც ესპანეთის ჩემპიონატის ფინალებს თამაშობს. თუ გამარვებულის გამოვლენას 5 მატჩი დასჭირდა, ბოლო შეხვედრა 22 ივნისსაა. მას და შერმადინს ურთულესი სეზონი ჰქონდათ, განსაკუთრებით თორნიკესთვის იოლი არ იქნება ფინალების შემდეგ ნაკრებთან შესვენების გარეშე შეერთება, მაგრამ იგი მაღალი დონის პროფესიონალია.

- ჩეხეთთან ვერც მანუჩარ მარკოიშვილი ითამაშებს, რომელიც ბელგიაშია სარეაბილიტაციოდ. თუმცა მალე შემოგვიერთდება. ლიდერების არყოფნაში საშუალება მოგვეცემა ახალგაზრდებს მივცეთ შანსი, დავეხმაროთ მათ გუნდთან და სტრატეგიასთან შეგუებაში. მათ ხომ უახლოეს მატჩებშიც უნდა დავეყრდნოთ, მომვალში კი გუნდი მათზე უნდა აიგოს.

- მაიკლ დიქსონი საქართველოს ნაკრებში რომ ჩამოვიდა, კონტრაქტის მიხედვთ ორი წელი უნდა ეთამაშა. იგი სამი წლის განმავლობაში ძალიან დაგვეხმარა და მინდა დიდი მადლობა ვუთხრა. ადრე თუ გვიან ყველაფერი მთავრდება, დიქსონმა ჩვენს წინაშე ვალი მოიხადა და დაგვემშვიდობა.

- სადღეისოდ ამერიკელების ნაკრებში ჩამოყვანა ძალიან რთულია. ბევრს არ სჭირდება ევროპული პასპორტი, რომ ამის გამო დაითანხმო. შეიძლება ბევრმა არ იცის, მაგრამ მინდა შევახსენო, რომ კალათბურთის ფედერაციამ დიდი მოცულობის სამუშაო გასწია დიქსონის ღირსეული შემცვლელის ჩამოყვანისთვის.

ილიას ზუროსი: მადლობა ქომაგს - როდესაც ქვეყანას სჭირდება, ქართველები ყველგან არიან!

- დავიმატეთ ტადეუს მაკფადენი, რომლის თამაშსაც კარგად ვიცნობ, საბერძნეთში ასპარეზობს, თუმცა ჯერ მის საქართველოს ნაკრებში თამაშზე ვარაფერს ვიტყვი. არც მაიკლ დიქსონთან შედარება იქნება კორექტული. ლებრონ ჯეიმსი არ დაგვიმატებია, ის ერთია და ამერიკის ნაკრებში თამაშობს. სტეფ კარიც ამერიკაშია... 

- ერთი, რისი თქმაც მაკფადენზე შემიძლია, ის არის, რომ ძალიან მონდომებულია, მოტივირებულია, მშიერია სპორტული თვალსაზრისით. მზადაა დაგვეხმაროს. შეუძლია როგორც გამთამაშებლად, ასევე მსროლელად თამაში.

- კალათბურთი გუნდური სპორტია და ახალი მოთამაშე უპირველესად გუნდთან უნდა შეთამაშდეს. ჩვენ ყველა ერთი გუნდი ვართ, თქვენი ჩათვლით – საქართველოს ეროვნული ნაკრები ვართ. ლაპარაკი ძალიან ადვილია, გაცილებით მნიშვნელოვანია, როგორ ვიმუშავებთ. თუ მხოლოდ შეცდომებს დავინახავთ და ნეგატივის ძებნას დავიწყებთ, არასწორ გზაზე წავალთ. საჭიროა, ერთად დავდგეთ – კალათბურთელები, ქომაგები, ჟურნალისტები და საქართველოს საკეთილდღეოდ ჩვენი წილი შევიტანოთ საერთო საქმეში.

- წინ ურთულესი მატჩები გველის. ვიცით ვისაც ვეთამაშებით, განსაკუთრებით სერბეთს გამოვარჩევ, რომელიც ბოლო წლების ერთ-ერთი საუკეთესო ნაკრებია მსოფლიოში. ავსტრიაც ბევრად ძლიერი იქნება, ვიდრე იყო. მათ ეყოლებათ ისეთი მოთამაშეები, რომლებსაც წინა ფანჯრის დროს არ უთამაშიათ.

1097
მკითხველის კომენტარები / 0 /
მსგავსი ამბები
რუბრიკის სხვა სიახლეები