ილიას ზუროსი: ქომაგმა საბერძნეთთან ნამდვილი ქართული გუნდი ნახა!

საქართველოს ნაკრების მთავარმა მწვრთნელმა ილიას ზუროსმა საბერძნეთთან მატჩის შემდეგ პირველ რიგში, საკუთარი გუნდის მოთამაშეები შეაქო:

"კალათბურთელებს მინდა დიდი მადლობა ვუთხრა. მათ პირველი წუთიდან ბოლომდე იბრძოლეს და... ეს იყო შემთხვევა, როცა მოგებას ვუმსახურებდით. კარგად ვითამაშეთ, მაგრამ იღბალი არ იყო ჩვენკენ.

ბოლო წუთებზე დავუშვით შეცდომები, რაც შესაძლოა, დაღლით იყო განპირობებული. ეს არაბუნებრივი სულაც არ არის - კალათბურთელებმა ხომ მატჩში დიდი ენერგია, ემოცია ჩადეს.

გულშემატკივარმა ნახა ემოციური, ენერგიული, ქართული გუნდი!

ჩვენი მეტოქე ევროლიგისა და ნაციონალური საკალათბურთო ასოციაციის მოთამაშეებით დაკომპლექტებული ევროპის ერთ-ერთი საუკეთესო გუნდი იყო. საბერძნეთს მატჩის უმეტეს მონაკვეთში ვაჯობეთ და სწორედ ისაა დასანანი, რომ ასეთი შეხვედრა წავაგეთ...

დიდი მადლობა ფანებს, რომლებმაც მატჩს დამატებითი სილამაზე შესძინეს. ისინი სხვა ფანჯრებშიც ერთგულად გვქომაგობენ და დარწმუნებული ვარ, ასევე გაგრძელდა უახლოეს მატჩებში.

ეს ახალგაზრდა კალათბურთელებისთვის დიდი სტიმული იქნება. ჩვენ ხომ ვაშენებთ გუნდს, რომელმაც მომავალ ევროპის ჩემპიონატზე საქართველოს სახელი ღირსეულად უნდა დაიცვას."

1846
მკითხველის კომენტარები / 2 /
რაჭველი
0
ზუროსი კარგი მწრთვნელია....მაგრამ ბოლო წუთებში
უნდა აეღო წუთშესვენება უნდა გაეყვანა შერმადინი და
უნდა შემოეყვანა სანაძე
Guest
0
და რა მოხდება თუ სერბეთი ორივეს წააგებს და ჩვენ ორივეს მოვიგებთ?
მსგავსი ამბები
რუბრიკის სხვა სიახლეები
;